• Latest news

Ո՞ր թեյն է վնասակար առողջության համար

16 մայիսի, 2022  19:35

Գրեթե բոլոր տեսակի թեյերը միացություններ են ներառում, որոնք բուժիչ հատկություններ են հաղորդում այս ըմպելիքին։ Առավել հայտնի են հակաօքսիդանտները եւ հակաբորբոքային միացությունները: Նույնիսկ մեկ բաժակ թեյը կարող է վերականգնել ուժը եւ կենսունակությունը: Սակայն մարդկանց օրգանիզմը տարբեր կերպ է արձագանքում թեյի նույն տեսակին, գրում է Medicine and Science-ը։

Օրինակ՝ կարկադե թեյի չարաշահումը կարող է ատամի էմալի քայքայման հանգեցնել՝ կարկադեի մեջ թթվային միացությունների մեծ քանակության պատճառով։ Բեռնի համալսարանի գիտնականներն ուսումնասիրել են ատամի հեռացումից հետո ստոմատոլոգիական գրասենյակներից ստացված մարդկանց ատամները:

Ստացված նմուշները փորձարկվել են տարբեր խմիչքների, դեղամիջոցների եւ սննդի միջոցով: Փորձարկումների արդյունքում պարզվել է, որ կարկադե թեյն ամենաշատ վնասակար ազդեցությունն ունի ատամի էմալի վրա։ Պարզվել է, որ կարկադեն վտանգավոր մթերք է ստամոքսի բարձր թթվայնությամբ, խոլելիտիազի հակում ունեցող, ինչպես նաեւ հորմոնալ բուժում անցնող մարդկանց համար։

Գիտնականները որպես վտանգավոր նշել են նաեւ նաեւ քարխոտի թեյը: Պիրոլիզիդին ալկալոիդների միացությունները, որոնք այս ըմպելիքի մաս են կազմում, հակացուցված են լյարդի խնդիրներ ունեցող մարդկանց: Այս մասին հաղորդվում է Public Health Nutrition պարբերականի էջերին։ Հենց այս միացություններն էլ կարող են լյարդի բջիջների վնասման հանգեցնել, ընդհուպ մինչեւ չարորակ ուռուցքների գոյացման:

Պարբերականն օրգանիզմի համար վնասակար թեյի տեսակների ցանկում նշել է նաեւ պուեր թեյը։ Այն բաղկացած է թեյի սովորական տերեւներից, որոնքհատուկ հնեցման եւ հետֆերմենտավորման գործընթաց են անցնում։ Այս թեյի առանձնահատկությունը տոնինի բարձր պարունակությունն է։ Այս ըմպելիքի չափից շատ օգտագործումը կարող է անհանգստություն առաջացնել մարսողական տրակտում, որն ուղեկցվում է սրտխառնոցով եւ ստամոքսի ցավով։ Պուեր թեյը կարող է նաեւ մեծացնել անքնության ախտանիշները քնի խանգարումներ ունեցող մարդկանց մոտ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է