Ֆտալատները մեծացնում են դիաբետի վտանգը կանանց շրջանում

Միչիգանի համալսարանի հանրային առողջության դպրոցի գիտնականներն ուսումնասիրել են ֆտալատների ազդեցությունը կանանց առողջության վրա: Պարզվել է, որ պլաստիկի մեջ պարունակվող այս քիմիական նյութերը մեծացնում են շաքարախտի զարգացման հավանականությունը մինչեւ 63 տոկոսով։ Աշխատանքի արդյունքները ներկայացված են The Journal of Clinical Endocrinology & Metabolism ամսագրում:

Ֆտալատները ֆտալաթթվի էսթերներ են, էնդոկրինային համակարգը խանգարողներ (ԷԴԿ), որոնք լայնորեն օգտագործվում են արդյունաբերության մեջ: Դրանք օգտագործվում են պլաստմասը եւ ռետինը ճկուն եւ առաձգական դարձնելու համար, ինչպես նաեւ սովորաբար օգտագործվում են կոսմետիկայի, սննդի փաթեթավորման եւ մանկական խաղալիքների արտադրության մեջ: Նախորդ ուսումնասիրություններն արդեն ապացուցել են, որ այս միացությունները կապված են պտղաբերության նվազման հետ:

Հեղինակները վերլուծել են 1308 կանանց տվյալները, որոնց հետեւել են վեց տարի շարունակ: Այս ընթացքում մասնակիցների մոտ հինգ տոկոսի մոտ ախտորոշվել է շաքարախտ: Ֆտալատների բարձր մակարդակի (մոնոիզոբուտիլֆտալատ, մոնոբենզիլ ֆտալատ, մոնոկարբոքսյոկտիլ ֆտալատ, մոնոկարբոքսիսոնոնիլ ֆտալատ եւ մոնո(3-կարբոքսիպրոպիլ)) առկայությամբ կովկասցի կանայք 30-ից 63%-ով ավելի շատ են հակված շաքարախտի ձեռքբերմանը: Միեւնույն ժամանակ, նման վիճակագրությունը կիրառելի չէ սեւամորթ կամ ասիական ծագման կանանց շրջանում։

Հետևեք NEWS.am Medicine-ին Facebook-ում և Twitter-ում