42-ամյա կինը գրիպից հետո կորցրել է ձեռքերն ու ոտքերը

Օհայոյում 42-ամյա Քրիստին Ֆոքսը գրիպից հետո ծանր բարդություն է տարել, որը հանգեցրել է նրա բոլոր վերջույթների անդամահատմանը։ 2020 թվականի մարտին Ֆոքսը գրիպով է հիվանդացել, որն արագ վերածվել է կյանքին սպառնացող սեպսիսի՝ առաջացնելով օրգանների անբավարարություն և պահանջելով հեռացնել ձեռքերն ու ոտքերը՝ նրա կյանքը փրկելու համար: Չնայած պատվաստմանը, նրա ինքնազգացողությունը արագ վատացել է, և նա շուտով հայտնվել է դեղորայքային կոմայի մեջ, գրում է Fox News-ը։

Բազմաթիվ վիրահատություններից և վերականգնման երկարատև գործընթացից հետո, որը ներառում էր ինտենսիվ ֆիզիոթերապիա, Ֆոքսը հարմարվել է իր նոր կյանքին՝ հատուկ պատրաստված պրոթեզների օգնությամբ:

Նա վերադարձել է դպրոցում որպես տնօրենի օգնական իր աշխատանքին, որտեղ ոգեշնչում է դարձել թե՛ աշակերտների, թե՛ գործընկերների համար, որոնք, ըստ կնոջ, դարձել են իր հենարանը կյանքի ամենադժվար պահին։

Նրա փորձն ընդգծում է գրիպի և սեպսիսի հետ կապված ռիսկերի մասին տեղեկացվածության և կրթության կարևորությունը, հիվանդություններ, որոնք ամբողջ աշխարհում ամեն տարի ազդում են միլիոնավոր մարդկանց վրա և կարող են հանգեցնել լուրջ հետևանքների, ինչպիսիք են օրգանների անբավարարությունը և վերջույթների կորուստը:

Նրա պատմությունը վկայում է մարդկային տոկունության և հանրային աջակցության կարևորության մասին, ինչի մասին վկայում են նրա հայրենի քաղաքում բժշկական ծախսերի և տների վերանորոգման համար կազմակերպված դրամահավաքները, ինչպես նաև բժիշկների պրոֆեսիոնալիզմը, ովքեր կարողացել են դժվարին իրավիճակում կատարել դժվար ընտրություն, որը փրկել  է կնոջ կյանքը։ Նրա տառապանքը հիշեցնում է շտապ բժշկական միջամտության կարևորության և գրիպից հետո երկրորդական վարակների հնարավոր լրջության մասին:

Հետևեք NEWS.am Medicine-ին Facebook-ում և Twitter-ում