ՌԴ Տյումենի մարզում ծնվել են անորոշ սեռի վեց երեխաներ

2023թ. Տյումենի մարզում ծնվել են վեց երեխաներ, որոնց սեռը ծնվելիս անհնար է եղել պարզել։ Այս մասին տեղեկացրել է 72.ru-ն՝ հղում կատարելով մարզի առողջապահույթան վարչությանը։

Բոլոր վեց նորածիններին ախտորոշել են՝ «սեռի ձեւավորման խանգարում»։

«Սա հազվադեպ գենետիկ մուտացիա է, որի դեպքում մարդու արտաքին եւ ներքին սեռական օրգանները չեն համապատասխանում ոչ իգական, ոչ արական սեռին»,- նշվել է հրապարակման մեջ։

Պատճառը այն գեների մուտացիան է, որոնք մասնակցում են գեղձերի սաղմնավորման պրոցեսին։

Պարբերականի տվյալներով՝ 2022թ. մարզում այսպիսի ախտորոշում է ունեցել երեք նորածին։ 2019-2021թթ. տարեկան ծնվել է առնվազն մեկական երեխա։ 2018թ. նման դեպքեր առհասարակ չեն եղել։

Հետևեք NEWS.am Medicine-ին Facebook-ում և Twitter-ում