Վերջին մի քանի օրվա ընթացքում հայկական հիվանդանոցներից դուրս է գրվել 600 երեխա, որոնք հիվանդացել էին գրիպով եւ ՍՇՎ-ով, նրանց մեկ քառորդի մոտ բարդացումներ կային թոքաբորբի տեսքով: Այժմ նրանց ապաքինվել են եւ տուն են վերադարձել։ Այդ մասին լրագրողների հետ զրույցում ասել է Հայաստանի Առողջապահության նախարարության գլխավոր մանկաբույժ Սերգեյ Սարգսյանը:
Նրա խոսքով, Հայաստանում այս տարի երեխաների շրջանում հենց H1N1-ի հետ կապված մահացության դեպքեր չեն եղել: Հիշեցնենք, որ երեւանյան «Սուրբ Աստվածամայր» բուժկենտրոնում հունվարի 11-ին 10 ամսական աղջիկ է մահացել, որը հիվանդ էր քաղցկեղով եւ վարակվել էր խոզի գրիպի H1N1 հարուցիչով: Մանկաբույժի խոսքով, այդ աղջկա մահն ուղղակիորեն կապված էր գրիպի հարուցիչի հետ:
Սերգեյ Սարգսյանը նաեւ նշել է, որ գրիպը որպես այդպիսին միշտ եղել է, կա եւ հավանաբար կլինի: Այս սեզոնում գրիպն ակտիվ է շատ երկրներում, որոնց թվում ոչ միայն Հայաստանն է, այլեւ Ուկրաինան, Ռուսաստանը եւ մի շարք այլ երկրներ:
Գլխավոր մանկաբույժի խոսքով, Հայաստանում գրիպով եւ ՍՇՎ-ով հիվանդացումը Հայաստանում վերջին 2 տարիներին հիվանդանոցներ դիմելու մասին տվյալների համաձայն, սկսել է նվազել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր