Նոր հետազոտությունը, որը բացահայտում է  լոբազգիների շատ օգտագործման և ամերիկացի երեխաների առողջության նշանակալի բարելավման միջև կապը, կներկայացվի 2024 թվականի Սննդի  և վարքագծի լուսաբանման կազմակերպության (SNEB) միջազգային համաժողովում, որը տեղի կունենա Թենեսի նահանգի Նոքսվիլ քաղաքում, հաղորդում է News Medical Life Sciences-ը:

Օգտագործելով 2001-2018 թվականների առողջության և սնման վիճակի ազգային ուումնասիրության տվյալները՝ հետազոտողները փորձել են բացահայտել ամերիկացի երեխաների սննդակարգի առանձնահատկությունները, որոնք սովորաբար լոբազգիներ են օգտագործում (լոբի, ոլոռ և ոսպ) և գնահատել սննդանյութերի ընդունման քանակը և սննդակարգի որակը՝ համեմատելով այն երեխաների հետ, որոնք սովորաբար լոբազգիներ չեն ուտում։

Հետազոտությունները ցույց են տվել, որ լոբազգիների օրական 2 չափաբաժինը  սննդակարգի ընդհանուր որակի զգալիորեն ավելի բարձր  ցուցանիշներ է արձանագրում՝ առանց լոբազգիների սննդակարգի համեմատ։

Երեխաները, որոնք օրական 2 չափաբաժին լոբազգի են ուտում, զգալիորեն ավելի շատ սննդային մանրաթելեր, կալիում և խոլին են ստանում, քան նրանք, ովքեր չեն օգտագործում լոբազգիներ: