Բջջային հեռախոսների օգտագործումը չի մեծացնում ուղեղի քաղցկեղով հիվանդացման ռիսկը: Նման եզրակացության են հանգել Սիդնեյի համալսարանի աշխատակիցները` վերլուծելով տվյալները 30 տարվա ընթացքում: Հետազոտության արդյունքները հրապարակել է Cancer Epidemiology ամսագիրը:
Գիտական աշխատանքում հաշվի են առնվել Ավստրալիայում 1982-ից 2012-ի ընթացքում 19 858 տղամարդու եւ 14 222 կնոջ ուռուցքաբանական ախտորոշումները: Պարզվել է, որ ուղեղի քաղցկեղով հիվանդացման մակարդակը այդ ժամանակահատվածում կայուն է մնացել:
Չարորակ ուռուցքների ի հայտ բերման դեպքեր ավելի հաճախ հանդիպել են միայն 70 տարեկանից մեծ մարդկանց մոտ, սակայն այդ աճը սկսվել է 1982-ին` Ավստրալիայում բջջային կապի հայտնվելուց հինգ տարի առաջ: Հետազոտողների կարծիքով, այս միտումը կապված է քաղցկեղի ախտորոշման մեթոդների կատարելագործման հետ, հայտնում է Lenta-ն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր