Սրտխփոցի մանր խնդիրները լավ առողջության մասին են վկայում, կարծում են Մյունխենի տեխնիկական համալսարանի գիտնականները: Նրանք կապ են հայտնաբերել կյանքի տեւողության եւ սրտխփոցի միջեւ: Մինչ նախորդ հետազոտությունների մեծամասնությունն ուսումնասիրում էր շնչառության ամբողջական ցիկլը, այս անգամ փորձագետները կենտրոնացել են արտաշնչման վրա: Իսկ ավելի ճշգրիտ` այն պահի, երբ սրտային կծկումների հաճախությունը սովորաբար նվազում է:
Հետազոտության հեղինակ Դանիել Սիննեկերի (Daniel Sinnecker) խոսքով, նման մեթոդը թույլ է տալիս օրգանիզմի գործառնական վիճակի անհամեմատ ավելի ճշգրիտ պատկեր ստանալ:
Փորձարկմանը 950 մարդ է մասնակցել, որոնք սրտային նոպա էին տարել եւ որոնց զարկերակը չափում էին: Հետո այդ տվյալները վերլուծել են առիթմիայի շնչառական սինուսներ փնտրելու նպատակով: Մասնակիցները նման հետազոտություններ էին անցնում հինգ տարի շարունակ ամեն վեց ամիսը մեկ: Գիտնականները հայտնաբերել էին, որ պակաս արտահայտված առիթմիայով սրտի նոպայից հետո հիվանդները դիտարկվող ժամանակահատվածում մահվան ավելի բարձր ռիսկի էին ենթակա:
Բացի այդ, աննշան առիթմիայով կամավորները հինգ անգամ ավելի էին ենթակա հետագա 5 տարում մահվան վտանգի, քան շնչառության ավելի հաճախակի տատանումներով մարդիկ:
Փորձագետները համոզված են, որ իրենց բացահայտումը կհանգեցնի նոր մեթոդի, որը լայնորեն կկիրառվի բժշկական պրակտիկայում:
Հետազոտության արդյունքները հրապարակվել են Journal of the American College of Cardiology պարբերականում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր