Ասթմայի սրացումը կարող է կապված լինել շնչուղիների միկրոբիոմի հետ. հետազոտություն

Գիտնականները կապ են հայտնաբերել երեխաների մոտ բրոնխիալ ասթմայի եւ շնչուղիների միկրոբիոմի միջեւ:

Նոր հետազոտությունը, որը հրապարակվել է Nature Communications ամսագրում, ցույց է տվել, որ շնչուղիների միկրոբիոմը կարող է նպաստել ասմթայի սրացմանը կամ, հակառակը, բարենպաստ ընթացքին: Հետագայում այդ տվյալները կարող են օգնել գիտնականներին տեղեկանալ, թե ինչպես կարող է այդ մանրէների փոփոխությունն օգնել վերահսկել հիվանդությունը:

Գիտնականները հայտնաբերել են, որ երեխաների մոտ սուր ասթմայի նշանների հայտնվելու հետ վերին շնչուղիներում հաճախ նկատվել են ստաֆիլոկոկներ, ստրեպտոկոկներ, մորակսելաներ եւ որոշ այլ մանրէներ: Հիվանդության լավ հսկողության շրջանների հետ կապված է եղել միկրոօրգանիզմների հայտնաբերումը, որոնց շրջանում գերիշխել են Corynebacterium եւ Dolosigranulum տեսակների մանրէները:

Շնչուղիների միկրոբիոտների կազմի փոփոխությունը նաեւ ազդել է հիվանդության ընթացքի վրա: Ավելի վտանգավոր է եղել Corynebacterium եւ Dolosigranulum տեսակների գերակայության «վիրաժը» մորակսելների գերակայության նկատմամբ:

Հետևեք NEWS.am Medicine-ին Facebook-ում և Twitter-ում