Կոնեկտիկուտ նահանգում (ԱՄՆ) ատամնաբույժ Ռաշմի Փաթելին (Rashmi Patel) մեղադրում են 64-ամյա հիվանդ Ջուդի Գանին անզգուշությամբ մահ պատճառելու մեջ:
Ինչպես հաղորդում են արեւմտյան ԶԼՄ-ները, բժիշկը հիվանդի մի այցելության ընթացքում նրան միանգամից 20 ատամ էր հեռացրել՝ մի քանի իմպլանտանտ տեղադրելով: Նա անտեսել է հիվանդի ինքնազգացողության վատթարացման նշանները, այդ թվում՝ դեմքի, ձեռքերի գույնի փոփոխությունը, խռպոտ ձայնը, եւ շատ ուշ է սկսել օգնություն ցուցաբերել նրան:
2014 թվականի դեկտեմբերին նահանգի ատամնաբույժների խորհուրդը դադարեցրել է Փաթելի բժշկակական լիցեզնիան՝ ատամնաբույժի գործունեության նախաքննության ընթացքում:
Այս կազմակերպության զեկույցում ասվում է, որ ատամնաբույժը հաշվի չի առել Գանի հիվանդության պատմությունը: Բանն այն է, որ ատամնաբույժին այցելելուց 6 ամիս առաջ կինը սրտի կաթված է տարել, իսկ վերջին երկու տարվա ընթացքում՝ երկու ինսուլտ: Բացի այդ նա այնպիսի դեղեր է ընդունել, որոնք կարող էին փոխազդել ատամնաբույժի սրսկած անզգայացնող դեղերի հետ:
Ինքն ատամնաբույժը հերքում է այդ մեղադրանքները եւ այժմ բաց է թողնվել 25 հազար դոլար գրավի դիմաց:
2013 թվականի դեկտեմբերին ատամնաբույժն արդեն խախտել էր բժշկական սպասարկման կանոնները: Անզգայացողների ազդեցության տակ գտնվող հիվանդը պատահմամբ կուլ է տվել իր բերանում գտնվող թանզիվի կտորը: Այն ժամանակ հիվանդին հաջողվել էր փրկել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր