Ամերիկյան գիտնականների ստեղծած արհեստական ենթաստամոքսային գեղձի փորձարկումները հաջող են անցել:
Կղզյակային բջիջների (ենթաստամոքսային գեղձի Լանգերհանսի կղզյակների բջիջները) փոխպատվաստումից հետո մեխանիկական արհեստական ենթաստամոքսային գեղձի օգտագործումը կարող է փոխպատվաստված բջիջներին օգնել ավելի երկար ապրել եւ ավելի շատ ինսուլին արտադրել, կարծում են այդ սարքի ստեղծողները:
Արհեստական ենթաստամոքսային գեղձը կօգնի ավտոմատ կերպով վերահսկել արյան մեջ շաքարի մակարդակը` ապահովելով լրացուցիչ էնդոկրինային ֆունկցիոնալություն, որը սովորաբար ապահովում է առողջ ենթաստամոքսային գեղձը: Տեխնոլոգիան մշակվել է գիտնականների տարբեր խմբերի կողմից: Ամերիկացի մասնագետները իրենց արհեստական ենթաստամոքսային գեղձն են ստեղծել եւ փորձարկել են պանկրեատիտով հիվանդ 14 հիվանդի վրա, որոնք կղզյակային բջիջների ստանդարտ վիրաբուժական փոխպատվաստում էին անցել:
Այդ վիրահատությունը հիվանդներին հատուկ ինսուլինային պոմպով է զինում, որն աշխատում է կայուն ցիկլի հաշվին: Շաքարախտով հիվանդների համար այն անհամեմատ ավելի նախընտրելի է, քան օրը մի քանի անգամ ինսուլինի ներարկումները, որոնք անհրաժեշտ են արյան մեջ շաքարի նորմալ մակարդակի պահպանման համար: Մեխանիկական արհեստական ենթաստամոքսային գեղձի եւ կղզյակային բջիջների համադրումը հիվանդների համար ինսուլինի համապատախան քանակություն է ապահովում:
Ապագայում գիտնականները հույս ունեն այդ մեթոդիկան տարածել ենթաստամոքսային խանգարումներից տառապող մարդկանց զգալի թվի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր