Այս լուսանկարները հնարավորություն կտան աշխարհին նայել տեսողական խնդիրներ ունեցող մարդկանց աչքերով

Առողջապահության համաշխարհային կազմակերպության (ԱՀԿ) տվյալներով, աշխարհում տեսողական խնդիրներ ունեցող մոտ 285 մլն մարդ կա եւ մոտավորապես  39 մլն լիովին կույր մարդիկ: Clinic Compare կազմակերպության մասնագետների խումբը գիֆ-պատկերներ է ստեղծել, որոնք Ձեզ հնարավորություն կտան աշխարհին նայել կատարակտով, տարիքային մակուլյար դեգեներացիայով եւ աչքի այլ հիվանդություններով տառապող մարդկանց աչքերով: 

Կատարակտ

Կատարակտը աչքի բյուրեղի մթագնումն է, որն ազդում է տեսողության սրության վրա: Սովորաբար կատարակտը հանդիպում է տարեց մարդկանց մոտ, բայց մի շարք հիվանդություններ կարող են նաեւ երիտասարդների մոտ կատարակտի զարգացման հանգեցնել: Բարեբախտաբար, խնդիրը հնարավոր է լուծել վիրահատության միջոցով: 

Կատարակտն աշխարհում աչքի երկրորդ ամենատարածված հիվանդությունն է:

Տարիքային մակուլյար դեգեներացիա

Տարիքային մակուլյար դեգեներացիան եւս սովորաբար տարեցների մոտ է հանդիպում: Մակուլայի վնասման հետեւանքով, որն աչքի այն հատվածն է, որը պատասխանատու է կենտրոնական տեսողության համար, հիվանդություն ունեցող մարդը սկսում է անհամեմատ ավելի վատ տեսնել: Մոտավորապես այնպես, ինչպես ցույց է տրված նկարում:

Գլաուկոմա

Գլաուկոման հիվանդությունների խումբ է, որոնց դեպքում վնասվում է տեսողական նյարդը, որը ցանցենին միացնում է ուղեղին: Առայժմ գիտությանը հայտնի չէ գլաուկոմայի առաջացման իրական պատճառը:

Դիաբետիկ ռետինոպաթիա

Սովորաբար դիաբետիկ ռետինոպաթիան ի հայտ է գալիս դիաբետով հիվանդների մոտ. արյան մեջ գլյուկոզայի պարունակության բարձրացումից վնասվում են արյունատար անոթները, այդ թվում նաեւ` արյան անոթները, ինչի հետեւանքով վատանում է տեսողությունը: Եթե դիաբետիկ ռետինոպաթիան չբուժվի, կարող է տեսողության լիակատար կորստի հանգեցնել:

Հետևեք NEWS.am Medicine-ին Facebook-ում և Twitter-ում