Հայաստանում հոմեոպատիան կբացառվի բժշկական մասնագիտությունների ցուցակից: Այս մասին այսօր «Ազատություն» ռադիոկայանի ֆեյսբուքյան ասուլիսի ընթացքում հայտարարել է ՀՀ առողջապահության նախարար Արսեն Թորոսյանը:
Նրա խոսքով՝ հոմեոպատիան կբացառվի բժշկական լիցենզավորված գործունեության ցանկից: Այդ կապակցությամբ որոշում կկայացվի՝ ինչ անել արդեն տրամադրված լիցենցիաների հետ: Թորոսյանի խոսքով՝ կամ կարելի է ժամանակ տալ հոմեոպատիայի կաբինետների վերապրոֆիլավորման համար կամ փակել դրանք:
«Հոմեոպատիան շառլատանություն է: Չի կարելի խաբել մարդկանց եւ նրանց բուժել շաքարավազով կամ հոսող ջրով»,- նշել է նախարարը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր