Ինչպե՞ս է տուժում կորոնավիրուսով վարակված պացիենտների հետ աշխատող բժիշկների հոգեկանը. JAMA Network Open

Բժիշկները, բուժքույրները եւ այլ բուժաշխատողներ, որոնք այսօր COVID-19 կորոնավիրուսի դեմ պայքարի առաջնագծում են, լուրջ սթրեսի են ենթարկվում: Այս մասին ասվում է նոր հետազոտության մեջ, որի արդյունքները հրաաարակվել են JAMA Network Open-ում:

Հետազոտության հեղինակները 1256 բժիշկների եւ բուժքույրների մոտ հոգեկան ախտանիշների սքրինինգ են անցկացրել: Նրանք աշխատել են Չինաստանի 34 հիվանդանոցներում հունվարի վերջից մինչեւ փետրվարի սկիզբը: Մասնակիցների 60,5%-ն աշխատել է Ուհան քաղաքում՝ կորոնավիրուսի բռնկման էպիկենտրոնում:

Ամենատարածված խնդիրը, որի հետ բախվել են բուժաշխատողները, եղել է հոգեբանական սթրեսը՝ 71,5%-ի մոտ: Այլ տարածված խնդիրներից են եղել դեպրեսիան (50,4%), անհանգստությունը (44,6%) եւ անքնությունը (34%):

Հետաքրքիր է, որ ամենից հաճախ հոգեկան խնդիրների հետ են բախվել Ուհանից բուժքույրները:

«Նրանք հոգեբանական սթրեսի են ենթարկվել: Եթե դու առաջնագծում բուժքույր ես, ապա դեպրեսիան, անհանգստությունն ու անքնությունը նորմալ արձագանք է…»,-ասել է սոցիոլոգ Քրիսթին Քարթերը Business Insider-ին տված հարցազրույցում:

Գիտնականների կարծիքով՝ բուժաշխատողների հոգեկան առողջության պաշտպանության համար հավելյալ օգնություն է պահանջվում:  

Հետևեք NEWS.am Medicine-ին Facebook-ում և Twitter-ում