Որո՞նք են բողկի օգտակար հատկությունները

Բողկը հարուստ է բուսական բջջանյութով, ջրով, եթերային յուղերով եւ վիտամիններով, «Чемпионат»-ին ասել է նուտրիցիոլոգ Նատա Գոնչարը։

Եթե ​​բողկ ավելացնեք հավասարակշռված սննդակարգին, ապա սարսափելի չի լինի ավիտամինոզը, քանի որ բանջարեղենը հարուստ է վիտամիններով, կարեւոր միկրո եւ մակրո տարրերով։

B վիտամիններ - բարելավում են աղիների աշխատանքը, պահպանում են հուզական առողջությունը։

Վիտամին PP - նվազեցնում է շաքարախտի, հիպերտոնիայի զարգացման ռիսկը, ապահովում է աղեստամոքսային տրակտի բնականոն գործունեությունը, բարելավում է ենթաստամոքսային գեղձի եւ լյարդի աշխատանքը։

Կալիում - օգնում է պահպանել ջրային բալանսը,  բարելավում է արյան ճնշումը, նորմալացնում է արյան մեջ շաքարի մակարդակը: 

Ֆոսֆոր - օգնում է էներգիա արտադրել: Թարմ բողկի հյութի հավելումով դեմքի դիմակները խոնավեցնում եւ մաքրում են մաշկը։

Մագնեզիումն օրգանիզմի համար ամենակարեւոր հանքանյութերից մեկն է։ Այն առկա է ավելի քան 300 քիմիական ռեակցիաներում եւ անհրաժեշտ է բոլոր օրգանների եւ հյուսվածքների պատշաճ աշխատանքի համար։

Երկաթ - անհրաժեշտ է արյան կազմի նորմալացման, ԴՆԹ-ի եւ կարմիր արյան բջիջների սինթեզի համար։ 

Բացի այդ, բողկը վիտամին C-ի հիմնական աղբյուրներից է. 250 գ մթերքն ապահովում է այս վիտամինի ամենօրյա պահանջը։

Սննդաբանը նշում է նաեւ, որ բողկը պարունակում է ֆլավոնոիդներ, որոնք օգտակար են սրտի աշխատանքի համար։ Բջջանյութի եւ ջրի բարձր պարունակությունը բարելավում է աղիների աշխատանքը եւ պայքարում փորկապության դեմ:  

Բողկը պարունակում է նաեւ անտոցիանիններ, որոնք նվազեցնում են քաղցկեղի առաջացման հավանականությունը։

Հետևեք NEWS.am Medicine-ին Facebook-ում և Twitter-ում