Նոր ցավազրկող միջոց է ստեղծվել, որը մորֆինից 100 անգամ ավելի արդյունավետ է: Ավստրալացի գիտնականները Քվինսլենդի համալսարանից դեղամիջոց են մշակել, որը գոյություն ունեցող բոլոր ցավազրկողներից ուժեղ է: Ավելին՝ այդ դեղամիջոցի օգտագործումը կախվածություն չի առաջացնում, կողմնակի ազդեցություններ չունի:
Նորույթի հեղինակներից մեկի՝ պրոֆեսոր Դեւիդ Քրեյքի խոսքով՝ նոր դեղամիջոցի հիմքը կոնավորների ընտանիքի վայրի խխունջն է, որն ապրում է Ավստրալիայի մերձափնյա ջրերում:
Դրանց թույնը պարունակում է հարյուրավոր այսպես կոչված՝ կոնոտոքսիններ՝ պեպտիդներ, որոնք դժվար չէ ստեղծել լաբորատոր պայմաններում: Նոր դեղամիջոցն արդեն հաջողությամբ փորձարկվել է առնետների վրա, եւ այդ փորձի արդյունքները գերազանցել են գիտնականների նույնիսկ ամենահամարձակ սպասելիքները. պարզվել է՝ դեղի ցավազրկող ազդեցությունը մոտ 100 անգամ ավելի հզոր է, քան մորֆինի ազդեցությունը, հայտնում է Fox News-ը՝ հղում անելով Sydney Morning Herald-ին:
Գիտնականը նշում է, որ մարդու մարսողական համակարգը կարող է քայքայել պեպտիդները, ուստի գիտնականների հաջորդ գործը կլինի այդ միացության կայուն մոդիֆիկացիա ստեղծելը, որի հիման վրա հետո հնարավոր կլինի ցավազրկող միջոցներ ստեղծել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր