Լասթիգը դեմ է դիետաներին։ Նրա կարծիքով կուշտ, առողջ սնունդը ինքնին ապահովում է գեղեցիկ կազմվածք: Սակայն բժիշկը համոզված է, որ դրա համար պետք է պարզապես հրաժարվել անհամապատասխան սովորություններից։ «Ես դեմ չեմ կալորիաները կրճատելուն, սակայն ամեն ինչ կախված է նրանից, թե որքան կալորիա եք սպառում: Եթե ամենօրյա նորմի կեսը շաքարին է բաժին ընկնում, յոգուրտներին ու թխվածքաբլիթներին, ապա ոչ մի լավ բան մի սպասեք»,- ասել է Ռոբերտ Լասթինգը:
Գիտնականը կարծում է, որ սնվելու գլխավոր սկզբունքը բնական մթերքների կիրառումն է: Սննդաբաժնում որքան շատ է վերամշակված սնունդը, այնքան մեծ է հիվանդանալու հավանականությունը: Ու այդ իմաստով ամենավտանգավորը Լասթինգը համարում է պատրաստի հրուշակեղենը: Բժիշկը խորհուրդ է տալիս սնունդն ինքնուրույն պատրաստել. դա ոչ միայն ավելի առողջ սնունդ ուտելու, այլեւ ֆիզիկական զբաղվածության հնարավորություն է ընձեռում:
Էնդոկրինոլոգն ամենավատ սովորություններից մեկը շաքարի օգտագործումն է համարում օրվա առաջին կեսին՝ նախաճաշի ժամանակ. «Որքան շատ եք շաքար ուտում, այնքան շատ խնդիրներ է դա առաջացնում: Շաքարը միակ բանն է, որի մասին պետք է առավոտյան ընդհանրապես մոռանալ»,- ասում է բժիշկը:
Իսկ ընդհանրապես նա խորհուրդ է տալիս քաղցրեղեն օգտագործել շաբաթական մեկ անգամից ոչ ավելի: Քաղցրի պահանջը , ըստ նրա, կարելի է բավարարել մրգերի հաշվին: Չնայած մրգերի մեջ նույնպես շաքար կա, դրանցում այնքան բջջանք կա, որ չեզոքացնում է այդ շաքարի ազդեցությունը, նշել է Լասթիգը: Սակայն, այս հարցում բացառություն է խաղողը:
Էնդոկրինոլոգը նաեւ նշում է, որ պարտադիր օրաբաժնում պետք է ներառել կենդանական սպիտակուց, ծովամթերք, սնկեր, վարսակաձավար, գետնանուշ: Դրանք օգնում են օրգանիզմի սերոտոնինի պակասը լրացնել՝ հորմոն, որ պատասխանատու է դրական էմոցիաների համար ու ազատում է քաղցրի հանդեպ թուլությունից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր