ԱՄՆ Տեխաս նահանգի բնակչուհին ձերբակալվել է իր որդու բժիշկներից ստացված բողոքներից հետո, հաղորդում է Fox News- ը: Բժիշկները հայտնել են, որ ութ տարվա ընթացքում Քեյլեն Բոուենը 323 անգամ դիմել է տարբեր բժշկական հաստատություններ, նրա որդի Քրիսթոֆերին վիրահատել են 13 անգամ:
Կնոջ խոսքով՝ երեխան մահանում է գենետիկական հիվանդությունից, պայքարում է քաղցկեղի դեմ, ինչպես նաեւ տառապում է մի քանի այլ հիվանդություններից:
Բացի այդ, մայրը փորձել է կազմակերպել թոքերի փոխպատվաստում որդու համար, ինչպես նաեւ՝ դրամահավաք համացանցում:
Արդյունքում պարզվել է, որ երեխային վերագրված եւ ոչ մի հիվանդություն գոյություն չունի: Կնոջը ձերբակալել են եւ կալանքի տակ են պահում որդուն ֆիզիկական վնաս պատճառելու համար:
Տղայի հայրը պնդում է, որ նա վաղուց էր փորձում սեւեռել իշխանությունների ուշադրությունը որդու հետ տեղի ունեցողի վրա: «Սակայն ամեն անգամ, երբ ես դիմում էի դատարան, նրանք անում էին ամեն ինչ, որպեսզի ես ինձ զգամ ինչպես աշխարհի ամենավատ մարդը», - մանրամասնել է հայրը:
Այժմ Բոուենների 3 զավակները գտնվում են տեղական իշխանությունների խնամակալության տակ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր