Սրանք վիրուսաբանական ախտորոշիչ լաբորատորիաներ են. մասնագետը՝ ԱՄՆ ՊՆ միջոցներով ստեղծված լաբորատորիաների մասին

Հայաստանի տարածքում այսօր գործող ՀՀ ԱՆ հիվանդությունների վերահսկման եւ կանխարգելման կենտրոնի լաբորատորիաներն իրենց հստակ «կոչումն» ունեն. հայտնաբերել վիրուսները եւ բժիշկներին ու բնակյչությանն իրազեկել, թե տվյալ սեզոնին ինչպիսի հարուցիչների հետ գործ ունենք: Այս մասին «Ազատություն» ռադիոկայանի ֆեյսբուքյան ասուլիսի ժամանակ հայտնեց ՀՀ ԱՆ Հիվանդությունների վերահսկման եւ կանխարգելման ազգային կենտրոնի հատուկ վտանգավոր եւ օդակաթիլային ինֆեկցիաների համաճարակաբանության բաժնի պետ Լիանա Թորոսյանը՝ պատասխանելով Հայաստանում գործող «կենսաբանական» լաբորատորիաների մասին հարցին, որոնք ստեղծվել են ԱՄՆ Պաշտպանության նախարարության դրամական միջոցներով: Օգտատերը, մասնավորապես, հետաքրքրվում էր, թե արդյոք այդ լաբորատորիաներում կենսաբանական զենք չի՞ ստեղծվում:

«Մեզ մոտ ոչ թե կենսաբանական, այլ վիրուսաբանական լաբորատորիաներ են, որոնք կատարում են բացառապես ախտորոշման գործառույթներ»,- ասաց նա:

Հետևեք NEWS.am Medicine-ին Facebook-ում և Twitter-ում