Նոր պոտենցիալ սուպերբակտերիան անպտղություն է առաջացնում

Սեռական առողջության եւ ՄԻԱՎ բրիտանական ասոցիացիայի (BASHH) փորձագետները սուպերբակտերիայի նոր թեկնածու են հայտնաբերել: Հետազոտողների կարծիքով՝  շուտով այդպիսի հատկություններ կարող է ունենալ Mycoplasma genitalium (M. genitalium) բակտերիան: Բակտերիայի հետ կապված հիվանդությունների թերապիայի նոր հրահանգները հրապարակվել են BASHH կայքում:

M.genitalium-ը բնակվում է միզարտադրության եւ վերարտադրողական օրգաններում, այն մարդուց մարդուն է փոխանցվում սեռական ակտի ժամանակ: Բակտերիան կարող է առաջացնել տարբեր օրգանների ինֆեկցիաներ՝ միզուկի, արգանդի, ֆալոպյան փողերի: հետազոտությունները ցույց են տալիս, որ բակտերիայի առաջացրած ինֆեկցիաները կարող են անպտղության զարգացման գործոն լինել:

M.genitalium բակտերիաները հայտնի են 1980-ական թվականներից, այս ընթացքում դրանք հասցրել են մեծ թվով հակաբիոտիկների նկատմամբ կայունություն մշակել: Դրանց առաջացրած հիվանդությունների ախատանշանները հեշտ է շփոթել այլ բակտերիաների հարուցած ինֆեկցիաների արտահայտվածության հետ, օրինակ՝ խլամիդայի: Հենց այս հատկությունն է M. Genitalium-ին սուպերբակտերիա դարձնում. Միկոպլազման արդեն հասցրել է խլամիդիոզի դեպքում արդյունավետ շատ դեղամիջոցների (օրինակ՝ ազիտրոմիցինի) հանդեպ կայուն դառնալ: M. Genitalium-ով հիվանդների մոտ այս հակաբիոտիկները գրեթե չեն թուլացնում ախտանշանները եւ միաժամանակ միկոպլազման դեղերի հանդեպ ավելի պակաս զգայուն են դարձնում:

BASHH մասնագետների կարծիքով՝ պրոցեսի դանդաղեցմանը կարող է օգնել M. Genitalium-ի թեստավորումը այն հիվանդների շրջանում, որոնց մոտ առկա է միզուկաբորբի եւ սալպինգիտի, ֆալոպյան փողերի բորբոքումների ախտանիշներ: Հիմա այսպիսի անալիզներ ոչ միշտ են կատարվում. որոշ երկրներում, ներառյալ ԱՄՆ-ում հավանություն են ստացել միայն M. Genitalium-ի քիչ թվով թեստեր, եւ բժիշկները հիվանդներին դա հազվադեպ են խորհուրդ տալիս: Այսպիսի թեստավորումը կարեւոր է հատկապես հղիանալ պլանավորող կանանց համար. M. Genitalium-ի հետ կապված ինֆեկցիան ժամանակին չհայտնաբերելը կարող է անպտղության պատճառ դառնալ:

Հետևեք NEWS.am Medicine-ին Facebook-ում և Twitter-ում