Հոգեբանները գտել են բացատրությունը, թե մարդու ուղեղն ինչպես է արձագանքում էմոջիներին (գաղափարագրերի եւ սմայլիկների լեզուն):
Ինչպես հայտնում է Xinhua-ն, Իլինոյսի համալսարանի մասնագետներն ուսումնասիրել են էմոջիների հետ կապված նախադասություններն ընթերցելիս մարդկանց ուղեղային ալիքների սխեմաները: Որոշ դեպքերում էմոջիները համապատասխանել են նախադասության իմաստին, իսկ հաճախ՝ ոչ (ասածի հեգնանքն ընդգծելու համար):
Պարզվել է, որ կամավորների ուղեղը հեգնոտ էմոջիները ընկալել է նույն կերպ, ինչ կերպ հեգնոտ նախադասությունները: Էմոջիներին ուղեղի արձագանքի ուժը վկայում էր այն մասին, թե սմայլիկները որքանով են կարողացել նախադասությունների տառացի իմաստը մարդու համար փոխել:
Փորձագետների կարծիքով՝ սա ակնհայտորեն ցույց է տալիս, որ բառերը էմոջիների հետ համադրությամբ կարելի է համարել մուլտիգաղտնագրային շփման նոր ձեւ: Համանման արդյունք է ստացվել բառերը ժեստերի կամ դեմքի որոշակի արտահայտության հետ համադրելու դեպքում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր