Կինը կարող էր մահանալ օրգանական տամպոն օգտագործելուց հետո

Օրգանական տամպոնի օգտագործումը 33-ամյա Քրիսթինա Մաքրիսի համար շրջվել է տոքսիկ շոկի համախտանիշի զարգացմամբ:

The Daily Mail հայտնում է, որ երիտասարդ կնոջ մոտ անսպասելի գլխապտույտ, գլխացավ, փսխում, ցան է առաջացել: Անշեղորեն վատթարացել են երակազարկի, ջերմության եւ արյան ճնշման ցուցանիշները:

Քրիսթինայի վիճակն այնքան ծանր էր, որ նրան նույնիսկ ոտքի անդամահատում էր սպառնում: Արդյունքում կինը ստիպված էր 2 ամիս հիվանդանոցում անցկացնել, ընդ որում՝ բուժման ընթացքում նա 20 կգ-ով նիհարել է:

Որքան էլ տարօրինակ է, բայց բոլոր դժբախտությունների պատճառը սովորական օրգանական տամպոնն էր: Քրիսթինան դրանով վնասել էր հեշտոցի պատը, ինչի հետեւանքով ինֆեկցիա էր անցել եւ տոքսիկ շոկի համախտանիշ զարգացել:

Բժիշկները նշում են, որ տոքսիկ շոկ կարող է զարգանալ նաեւ այն դեպքում, եթե տամպոնը հեշտոցում երկար մնա: Դրանից բացի, բացասական հետեւանքներ կարող է առաջացնել նաեւ մի ապրանքանիշի տամպոնից մյուսին անցնելը, քանի որ օրգանիզմը կարող է այն պատրաստելիս օգտագործված որեւէ կոնկրետ բաղադրիչ «չընդունել»:

Հետևեք NEWS.am Medicine-ին Facebook-ում և Twitter-ում