• Latest news

Ուտելիքի հանդեպ վախից կարող են չգործել 12-ամյա աղջկա օրգանները (ֆոտո, վիդեո)

15 դեկտեմբերի, 2018  14:20
Չեշիրից 12-ամյա Գրեյս Դոուն փաստացի ի ծնե տառապում է տարօրինակ ֆոբիայով՝ նա վախենում է, որ ուտելիքից իր մոտ շնչահեղձություն կառաջանա:

Նրա մայրը՝ Ջանի Դոուն նյարդային հյուծման շեմին է Գրեյսի օրգանների չգործելու հավանականության պատճառով, հայտնում է The Daily Mail-ը: Ներկա պահին աղջիկը կշռում է ընդամենը 25,4 կգ: Ամբողջ օրը նա ուտում է նախաճաշին պաղպաղակ եւ ճաշին ապուր: Կարծր կերակուրի նույնիսկ մի կտորը նրա մոտ շնչահեղձության վախ է առաջացնում եւ փսխում:

Հոգեբանների կարծիքով՝ աղջիկը տառապում է պսեւդոդիսֆագիայով՝ ինքն իրեն կուլ տալու խանգարման ներշնչում եւ շնչահեղձությունից քրոնիկական վախ: Քաղցից չմահանալու համար աղջիկը 4-ամսական տարիքից սննդարար նյութերը ստանում է mic-key խողովակով, որն անմիջապես ստամոքսին է միացված:

Խնդիրն այն է, որ անգամ mic-key-ի միջոցով աղջիկը չի կարող ստանալ բավարար քանակությամբ սննդարար նյութեր: Mic-key-ը հիվանդի մոտ աղեստամոքսային տրակտի գործելու հետ կապված խնդիրների առկայության դեպքում ժամանակավոր լուծում է:

Բժիշկները նշում են, որ մշտական թերսնման պատճառով Գրեյսի օրգանների չգործելը ժամանակի հարց է:

Գրեյսի սնվելու հետ կապված խնդիրներն առաջացել են նրա ծնվելուց անմիջապես հետո, երբ նա կրծքով կամ շշից կերակրվելու ժամանակ սրտխառնոց է ունեցել: Այդ ժամանակից սկսած նրա մոր կյանքն իսկական դժոխքի է վերածվել. նա անգամ ստիպված է եղել հատուկ դպրոց գնալ, որտեղ սովորել է Գրեյսը, որ նրան կերակրի mic-key-ի միջոցով: Իսկ հիմա բուլլինգի (թունավորման) վախից ստիպված էին դպրոց հաճախելուց հրաժարվել:

Բժիշկները սկզբում Գրեյսի սնվելու խնդիրները վերագրում էին հազվագյուտ սրտի բնածին արատին՝ ALCAPA-ին (թոքի զարկերակից ձախ կորոնար զարկերակի անոմալ հեռացման համախտանիշ): 9-ամսականում նա ենթարկվել է սրտի բաց վիրահատության, բայց դա նրան չի փրկել սնունդ ընդունելու մշտական վախից:

Աղջիկը կտրականապես արգելում է իր մարմնից mic-key-ը հանել: «Նման իրավիճակն ազդում է նաեւ իմ մյուս երեխաների վրա: Ես տեսնում եմ, որ ընտանիքս ուղղակի աչքերիս առաջ փլուզվում է»,- նշում է Ջանին:

Source: The Daily Mail

Photos: Janine Daw/SWNS.com

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել