• Latest news

Ծնողները հաճախ էլեկտրոնային ծխախոտ են ծխում անգամ ասթմայով երեխաների ներկայությամբ. հետազոտություն

8 մայիսի, 2019  22:36

Ծնողները հաճախ էլեկտրոնային ծխախոտ են ծխում իրենց երեխաների ներկայությամբ, անգամ եթե նրանք ասթմայով են տառապում: Նման ցնցող եզրակացության են եկել JAMA Pediatrics ամսագրում հրապարակված նոր հետազոտության հեղինակները:

Գիտնականների խոսքով՝ վեյփինգից ծուխը կարող է նույնքան վնասակար լինել եւ երեխաների եւ մեծերի համար, ինչպես եւ ծխախոտի ծուխը:

ԱՄՆ վիճակագրության համաձայն 2016-2017 թվականներին էլեկտրոնային ծխախոտից օգտվել է չափահաս բնակչության 4.4 տոկոսը:

Ծնողների շրջանում այդ ցուցանիշը բարձր է եղել՝ 4.9 տոկոս, իսկ ասթմայով երեխա ունեցող ծնողների շրջանում ավելի բարձր՝ 5.6 տոկոս:

Հետազոտության հեղինակ, Փորթլենդում Մայնի բժշկական կենտրոնից  Ջեննի Քարվիլը (Jenny Carwile)  նշում է, որ էլեկտրոնային ծխախոտ ծխող շատ մարդկանմց թվում է, որ շնչող աերոզոլը միայն անվտանգ ջրային գոլորշի է իրենից ներկայացնում, հետեւաբար նրանցից շատերն անգամ երեխաների ներկայությամբ են ծխում՝ տանը կամ մեքենայում: Մասնագետների խոսքով՝ նման ծնողներին ծխի վնասի մասին գրագետ տեղեկատվություն ստանալու լուրջ անհրաժեշտություն կա:

Ասթմայով երեխաների համար ռիսկերը նույնիսկ ավելի բարձր են, քանի որ հենց ծխախոտի ծուխն է համարվում ասթմայի զարգացման վտանգներից մեկը եւ նման ծուխը շնչելը ավելի շատ կվատթարացնի երեխայի վիճակը:

Մասնագետները զգուշացնում են, որ էլեկտրոնային ծխախոտի աերոզոլը պոտենցիալ վտանգավոր բաղադրիչներ է պարունակում, այդ թվում ֆորմալդեգիդ, նիկոտին, ծանր մետաղներ եւ միկրոմասնիկներ»:

Եվ թեեւ էլեկտրոնային ծխախոտների համար հեղուկը նիկոտին չի պարունակում, ծխողի եւ շրջապատի մարդկանց  թոքերը ենթարկվում են բուրումնավետիչների ազդեցությանը:

Թեեւ դրանցից շատերը սննդում օգտագործման ժամանակ անվտանգ եմ համարվում, որոշ հետազոտություններ մատնանշում են, որ շնչելու ժամանակ դրանք կարող են վտանգավոր լինել թոքերի, անոթների եւ սրտի համար:

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է