• Latest news

Հայաստանում ինչպիսի՞ գանգատներով են ավելի հաճախ դիմում սեքսոպաթոլոգին

15 մայիսի, 2019  20:23

Առավել հաճախակի խնդիրը, որ հայ տղամարդիկ դիմում են սեքսոպաթոլոգին, էրեկտիլ դիսֆունկցիան է: Այս մասին հայտնեց բժիշկ-սեքսոպաթոլոգ Վրեժ Շահրամանյանը՝ վկայակոչելով ԵՊԲՀ Սեքսոպաթոլոգիայի կլինիկայի տվյալները:

Ըստ դիմելիության՝ երկրորդ տեղում է վաղաժամ սերմնաժայթումը, հաջորդում է սեռական ձգտման նվազումը կամ լիակատար բացակայությունը, ինչը փորձագետը կապում է օրգանիզմի վրա սթրեսի բացասական ազդեցության հետ: Շահրամանյանը տեղեկացրեց, որ տղամարդկանցից ստացվող գանգատներն առնչվում են սեռական խանգարումներին, որոնք առաջանում են նեւրոզների եւ դեպրեսիայի հետեւանքով:

Փորձագետը ուշադրություն դարձրեց այն հանգամանքին, որ տղամարդիկ ավելի հաճախ են դիմում սեքսոպաթոլոգին, քան կանայք: Այսպես, ելնելով Սեքսոպաթոլոգիայի կլինիկա դիմելիության ցուցանիշներից՝ պացիենտների 50 տոկոսը տղամարդիկ են, 25 տոկսը՝ կանայք, եւս 25 տոկոսը՝ զույգեր:

Ինչ վերաբերում է կանանց սեռական կյանքի խնդիրներին, ապա այս դեպքում առաջին տեղում է օրգազմի բացակայությունը, երկրորդ՝ վագինիզմը (հեշտոցի մկանների ակամա կծկումը), իսկ երրորդ՝ լիբիդոյի նվազումը: Դրանից բացի, կանանցից ստացվում են ներթափանցող սեռական ակտի ժամանակ առաջացող ցավի գանգատներ:

Շահրամանյանի խոսքով՝ վագինիզմի պատճառը կարող է լինել սեռական սխալ դաստիարակությունը, որի հետեւանքով աղջկա մոտ սեռական հարաբերության հանդեպ վախ է առաջանում: Սա կարող է երկարաժամկետ հեռանկարում բացասական հետեւանքներ ունենալ, երբ առաջին անհաջող սեռական փորձը հետագա ամիսներին եւ անգամ տարիներին բացասաբար է ազդում կնոջ վրա: Այս դեպքում փորձագետը խորհուրդ է տալիս դիմել ոչ թե ընկերներին եւ գուշակներին, այլ մասնագետներին, որոնք կկարողանան օգնել խնդրի լուծմանը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է