Ի՞նչ լուրջ խնդիրների մասին կարող է պատմել մեջքի ցավը

Բնակչության միայն մոտ 20%-ը կարող է ասել, որ չի բախվել մեջքի ցավի խնդրի հետ: Մյուսները, ցավոք, բազմիցս զգացել են այդ ցավոտ վիճակը: Սակայն հաճախ մեջքի ցավը ոչ միայն ծանրություն բարձրացնելու հետեւանք է, այլ կարող է իր մեջ բազմաթիվ ծանր հիվանդություններ թաքցնել, հաղորդում է Planet-today-ը:  

1. Երկար ժամանակ չանցնող սուր ցավերը  

Անհաջող դիրքից կամ ծանրություն բարձրացնելուց առաջացած ցավը սովորաբար անցնում է ցավազրկող դեղորայք ընդունելուց եւ ռեժիմը պահպանելուց հետո: Սակայն ձգձգվող ցավի դեպքում պետք է դիմել բժշկի եւ առավել համալիր հետազոտություն անցնել:    

2. Հավելյալ ախտանիշների հայտնվելը

Եթե բացի մեջքի ցավից թմրում են վերջույթները, ծակոց է զգացվում, ապա, հավանաբար, նյարդի ճզմում է տեղի ունեցել: Գոտկատեղի հատվածում սուր ցավը կարող է վկայել հոդերում եւ կապաններում բորբոքիչ պրոցեսների մասին: Իսկ աճուկային շրջանում զգայունության փոփոխությունը զգուշացնում է ողնուղեղի արմատիկի ու վերջին հատվածի ճնշման մասին: Եթե ողնաշարի ծռման եւ երկարության փոփոխություն է նկատվում, ապա դա կարող է վկայել ողնաշարի կոմպրեսիոն ջարդվածքի մասին: Նման վիճակի հակված են տարեցները:

3. Գիշերները ողնաշարի սուր ցավերը

Շատ հաճախ սա բնորոշ է այնպիսի հիվանդություն համար, ինչպիսին է սպոնդիլոարթրիտը (անկիլոզացնող): Մասնագետի մոտ ժամանակին բուժումը կարող է թույլ տալ խուսափել ողնաշարի դեֆորմացիայից:  

4. Եթե մեջքի ցավը նախկինում եւս եղել է

Մեջքի ցավի կրկնությունը կարող է խոսել ինչպես ռեցիդիվի, այնպես էլ չարորակ պրոցեսի սկսվելու մասին: Միայն հետազոտությունը թույլ կտա բացառել օնկոլոգիան: 

5. Տարիքի հետ կապված մեջքի ցավը  

50-անց մարդկանց համար մեջքի ցավը բնորոշ երեւույթ է: Դա պայմանավորված է ոսկորներից կալցիումի արտահոսքով եւ դրա վատ յուրացմամբ: Տվյալ դեպքում անհրաժեշտ է դիմել բժշկին, որը պրոֆիլակտիկ թերապիա է նշանակել: Այդպիսով կարող եք հետագայում խուսափել կոտրվածքներից:

Հետևեք NEWS.am Medicine-ին Facebook-ում և Twitter-ում