Գիտնականները գտել են շիզոֆրենիայի զարգացման գենետիկ պատճառները

Քարդիֆի համալսարանի գիտնականները կատարել են շիզոֆրենիայով հիվանդ 3444 ընտանիքների (ծնողների եւ երեխաների) գենետիկ տվյալների վերլուծություն եւ մուտացիաներ են հայտնաբերել, որոնք կարող են կապված լինել այս հիվանդության հետ:

«Նովոստի Mail.RU»-ն հայտնում է, որ փորձագետներին հետաքրքրում էին գեները, որոնց մուտացիաների հետ կապված էր ոչ միայն շիզոֆրենիայի մեծ հավանականությունը, այլեւ աուտիկ սպեկտրի խանգարումների, ինչպես նաեւ նեյրոդեգեներատիվ հիվանդությունների:

Նրանք ցանկանում էին գտնել նոր մուտացիաներ, որոնք առաջին անգամ հայտնվում են շիզոֆրենիայով հիվանդ մարդկանց երեխաների մոտ: Պարզվել է՝ SLC6A1 գենում նոր մուտացիաների մակարդակն ավելի բարձր է, քան սպասում էին: Չնայած շիզոֆրենիայով մարդկանց մոտ մուտացիայի ենթարկված SLC6A1 գենը համեմատաբար հազվադեպ է հանդիպում, պարզվել է, որ դրա ազդեցությունը ահռելի է: Մուտացիաները խախտում են գամմա-ամինայուղաթթվի (GABA) ֆունկցիան, որը կենտրոնական նյարդային համակարգում նեյրոնների միջեւ իմպուլսների առանցքային հաղորդիչն է:

Սա հաստատում է նախկինում արտահայտված ենթադրությունը շիզոֆրենիայի եւ GABA-ի աշխատանքում անոմալիայի կապի մասին: Գիտնականների կարծիքով՝ կատարված հայտնագործությունները թույլ կտան ստանալ շիզոֆրենիայի դեմ ավելի էֆեկտիվ թերապիա:

Հետևեք NEWS.am Medicine-ին Facebook-ում և Twitter-ում