• Latest news

Գիտնականները բժշկական դիմակների արդյունավետությունը ստուգել են համստերների վրա

18 մայիսի, 2020  12:29

Բժշկական դիմակներն իրականում արդյունավետ են կորոնավիրուսային ինֆեկցիայի տարածման դեմ պայքարում: Հոնկոնգի համալսարանից գիտնականները սա ապացուցել են համստերների վրա կատարած թեստի շնորհիվ:

Անհատական պաշտպանության միջոցներն իսկապես օգնում են զգալիորեն նվազեցնել վիրուսի առանց շփման փոխանցումը, հայտնում է South China Morning Post-ը:

Գիտնականները փորձի շրջանակում պատրաստել են հատուկ կառույց: Յուրաքանչյուր վանդակում մի կողմից տեղադրվել է մեկ կորոնավիրուսով վարակված համստերի, իսկ մյուս կողմից 3 առողջի: Հետազոտողները վանդակների միջեւ նաեւ օդափոխիչներ են տեղադրել, որոնք վարակված կրծողներից ինֆեկցիան «տարածել» են առողջներին: Դրանից բացի, գիտնականները վանդակների միջեւ տեղադրել են հատուկ «դիմակային միջնորմ»:

Փորձագետներն անցկացրել են 3 թեստ. առաջին թեստում «դիմակային միջնորմը» դրվել է վարակված կենդանիների վանդակների մոտ, երկրորդում՝ առողջ համստերներով վանդակների մոտ, երրորդում ընդհանրապես չի դրվել: Փորձից մեկ շաբաթ անց առանց միջնորմների վանդակներում եղած 15 առողջ համստերներից 10-ը վարակվել է կորոնավիրուսային ինֆեկցիայով: Միեւնույն ժամանակ, երբ վարակված կենդանիների վանդակների մոտ դիմակներ են դրվել, վարակվել է 12-ից միայն 2 կրծող: Իսկ երբ միջնորմը տեղադրել են միայն առողջ համստերների վանդակի մոտ, հիվանդացել է 12-ից 4 կրծող:

Մասնագետները հանգել են այն եզրակացության, որ բժշկական դիմակ կրելու դեպքում կորոնավիրուսի փոխանցումը կարող է 50 տոկոսով նվազել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է