• Latest news

COVID-19-ի դեմ ռուսական պատվաստանյութի փորձարկման ժամկետները, հնարավոր է, կկրճատեն

29 հունիսի, 2020  10:58

COVID-19 կորոնավիրուսային ինֆեկցիայի դեմ ռուսական պատվաստանյութի թեստավորման ժամկետները, որը մշակվել է Գամալեի անվան համաճարակաբանության եւ մանրէաբանության ազգային հետազոտական կենտրոնում, հնարավոր է՝ զգալիորեն կրճատվեն: Այս մասին հայտնել է Մոսկվայի ֆիզիկատեխնիկական ինստիտուտի գենոմային ինժեներիայի լաբորատորիայի ղեկավար Պավել Վոլչկովը, փոխանցում է «ՌԻԱ Նովոստի»-ն:

Բուրդենկոյի անվան գլխավոր զինվորական կլինիկական հոսպիտալում այս պատվաստանյութը ներկայումս թեստավորում են կամավորների երկու խմբի վրա: 18 կամավորներից առաջինին պատվաստանյութը ներարկել են հունիսի 18-ին:

Կլինիկական փորձարկումները սովորաբար անցկացվում են երեք փուլով եւ մի քանի տարի են տեւում: Սակայն համավարակի պայմաններում փորձարկումների մի քանի փուլեր կարող են կրճատել Առողջապահության նախարարության եւ «Ռոսպոտրեբնադզորի» հայեցողությամբ, նշել է մասնագետը:

«Ընդ որում՝ դրա որոշ պարամետրեր մնում են չհստակեցված, օրինակ՝ այդ պատվաստանյութի ազդեցության տեւողությունը»,- հավելել է նա:

Նրա խոսքով՝ պատվաստանյութի փորձարկումների երկրորդ եւ երրորդ փուլերը կարող են դարձնել ավելի զանգվածային: Մասնավորապես՝ կլինիկական փորձարկումների շրջանակում այն կիրառելու են բուժհաստատություններում, բայց դրա հետ միաժամանակ դեղամիջոցը դեռեւս չի գրանցվելու: Դա կօգնի պատվաստանյութի ազդեցության մասին ավելի լիարժեք տվյալներ հավաքելուն:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել