• Latest news

Հաքերային հարձակումը հիվանդի մահվան պատճառ է դարձել

18 սեպտեմբերի, 2020  12:00

Դյուսելդորֆի համալսարանական հիվանդանոցի վրա հաքերային հարձակումը հիվանդներից մեկի մահվան պատճառ է դարձել: Այս մասին հայտնում է Associated Press-ը` վկայակոչելով գերմանական իշխանություններին:

Medportal.ru-ի փոխանցմամբ` հաքերները թույլ տեղ են գտել «լայնորեն տարածված ծրագրային ապահովման մեջ», եւ հարձակման արդյունքում հիվանդանոցի բոլոր տեղեկատվական համակարգերը սկսել են աստիճանաբար փչանալ:

Հիվանդանոցի աշխատակիցները ստիպված էին ժամանակավորապես արգելափակել հիվանդների տվյալների հասանելիությունը եւ չեղարկել բոլոր վիրահատությունները: Հիվանդներին սկսեցին տեղափոխել այլ բժշկական հաստատություններ, այդ թվում` հարեւան քաղաքներ:

Հիվանդներից մեկը գտնվում էր ծանր վիճակում: Նրա ախտորոշման մասին չի հաղորդվում, սակայն հայտնի է, որ նա շտապ վիրահատության կարիք ուներ: Նրան տեղափոխել էին 32 կիլոմետր հեռավորության վրա գտնվող մեկ այլ հիվանդանոց, սակայն բժիշկներին չէր հաջողվել փրկել նրա կյանքը:

Դատախազությունն այժմ հետաքննություն է անցկացնում, իսկ հաքերներին բանտարկություն է սպառնում` մարդասպանության համար:

Հիվանդանոցում հայտնել են, որ նրանք փողի պահանջ կամ սպառնալիքներ չեն ստացել: Սակայն Հյուսիսային Ռեյն-Վեստաֆալիա նահանգի արդարադատության նախարարն ասել է, որ հիվանդանոցի արգելափակված սերվերներից մեկում հայտնաբերվել է գրություն, որում հարձակվողները կոնկրետ գումար են շորթել Հենրիխ Հեյնեի համալսարանի ղեկավարությունից, որին մաս է բուժհաստատությունը:

Դյուսելդորֆի ոստիկանությանը հաջողվել է կապ հաստատել հաքերների հետ եւ հայտնել, որ իրենց գործողությունների պատճառով հիվանդների կյանքին վտանգ է սպառնում, ինչից հետո հանցագործները տվել են թվային բանալին` տվյալների ապաարգելափակման համար: Սակայն հաքերներին գտնել դեռ չի հաջողվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել