• Latest news

Ֆրուկտոզան կարող նեյրոնների մահվան եւ Ալցհայմերի հիվանդության զարգացման պատճառ լինել. հետազոտություն

25 սեպտեմբերի, 2020  13:53

Ֆրուկտոզայի բարձր մակարդակն ուղեղի մեջ կարող է Ալցհեյմերի հիվանդության զարգացման պատճառներից մեկը լինել, կարծում են Կոլորադոյի համալսարանի նյարդաբանները (ԱՄՆ):

Կարելի է եզրակացնել, որ ֆրուկտոզայով սննդի առատությունը սննդակարգում տեսականորեն կարող է վտանգավոր լինել ուղեղի համար: Սա նաեւ բացատրում է, թե ինչու են շաքարախտով եւ ճարպակալմամբ տառապող մարդիկ ավելի հաճախ Ալցհեյմերի հիվանդություն ունենում, քան մյուսները, փոխանցում է «ՌԻԱ Նովոստի»-ն:

Ըստ գիտնականների` Ալցհեյմերի հիվանդությունը կարող է «ժամանակակից» հիվանդություն լինել, որի զարգացման պատճառ կարող են լինել սննդակարգային վարքի փոփոխությունները մարդկանց մոտ, որի դեպքում ֆրուկտոզան խախտում է ուղեղի նյութափոխանակությունը եւ նեյրոնների գործառույթը:

Մասնագետների կարծիքով` ֆրուկտոզայի հիմնական աղբյուրն ուղեղի մեջ ուղեղի էնդոգեն ցերեբրալ սինթեզն է: Երբ օրգանիզմում ֆրուկտոզայի նյութափոխանակության ցուցանիշները բարձրանում են, բջիջների միտոքոնդրիայում ավելի քիչ էներգիա է սկսում արտադրվել: Արդյունքում ուղեղն էներգիայի դեֆիցիտ է ունենում, նեյրոնները մեռնում կամ չեն կարողանում ճիշտ աշխատել:

Կա նաեւ երկրորդ տեսությունը. միտոքոնդրիալ էներգիայի մակարդակի պրոգրեսիվ նվազումը կարող է գլյուկոզի հիպոմետաբոլիզմի հետ կապված շարունակական օքսիդատիվ սթրեսի արդյունք լինել: Ամեն դեպքում, արդյունքում նեյրոնները պակաս էներգիա են ունենում, դրանք սկսում են վատ աշխատել եւ մեռնել: Իր հերթին, Ալցհեյմերի հիվանդության զարգացման նշան եւ պատճառ համարվող թունավոր սպիտակուցների կուտակումներն ուղեղի մեջ, հավանաբար, միայն բորբոքային գործընթացի հետեւանք են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է