Հակասնկային դեղամիջոցները կարող են մահվան հավանականությունը նվազեցնել թոքերի փոխպատվաստումից հետո․ հետազոտություն

Հակասնկային դեղամիջոցները թոքերի փոխպատվաստումից հետո առաջին տարում կարող են մահվան հավանականությունը կիսով չափ նվազեցնել։ Այս մասին հայտնում են Մեյոյի կլինիկայի գիտնականները՝ ամփոփելով 667 պացիենտների մասնակցությամբ հետազոտության արդյունքները, որոնք 2005-2018 թվականներին ենթարկվել են թոքերի փոխպատվաստման։

Annals of the American Thoracic Society գիտական ամսագրում հրապարակված հետադաձ հետազոտությունը ներկայունս այս ոլորտում ամենախոշորն է։ 667 պացիենտից 385-ը կամ 57,8 տոկոսը ստացել է հակասնկային բուժում, իսկ 28/2 պացիենտ (կամ 42,3 տոկոսը) այն չի ստացել։ Պացիենտներից 65-ը մահացել է հետազոտության ժամանակ, եւ ինչպես պարզվել է, բոլոր պատճառներից մահացությունը եղել է զգալիորեն ավելի ցածր այն պացիենտների շրջանում, ովքեր հակասնկային դեղամիջոցներ են ստացել։

«Թոքերի փոխպատվաստմամբ պացիենտների շրջանում կանխարգելման  նպատակով հակասնկային դեղամիջոցների օգտագործումը դառնում է ավելի ու ավելի տարածված երեւույթ, եւ հիմա մենք հաստատել ենք այդ պրակտիկայի արդյունավետությունը»,- նշել է հետազոտության առաջատար հեղինակ, բժիշկ Քելի Փենինգթոնը։

Հետևեք NEWS.am Medicine-ին Facebook-ում և Twitter-ում