Մետոպրոլոլը բետա-բլոկատորային դասի դեղամիջոց է, որն օգտագործվում է ավելի քան 40 տարի եւ ունի յուրահատուկ սրտապաշտպան հատկություններ: Այսպիսի եզրակացության են հանգել Centro Nacional de Investigaciones Cardiovasculares (CNIC)-ի, Fundación Jiménez Díaz University Hospital-ի եւ Cardiovascular Disease Research Network (CIBERCV)-ի գիտնականները:
Ինչպես փոխանցում է News-medical.net-ը, մասնագետները ուսումնասիրության մեջ ներգրավել են կրծողների, որոնց շնորհիվ հաջողվել է սրտի նոպայի ընթացքում գրանցել մետոպրոլոլի սրտպաշտպան ազդեցությունը: Հետաքրքիր է, որ հայտնաբերված հատկությունները բնորոշ չեն այլ բետա-բլոկատորներին։
Գիտնականների խոսքով՝ նեյտրոֆիլային բջիջները ոչ միայն պաշտպանում են վարակից, այլեւ կարող են դառնալ գերակտիվ այլ իրավիճակներում, օրինակ՝ սրտամկանի ինֆարկտի ժամանակ՝ այդ դեպքում դրանք կարող են զգալի լրացուցիչ վնաս հասցնել սրտին: Մետոպրոլոլը ի վիճակի է սահմանափակել այս հիպերակտիվացումը, դրանով իսկ կանխելով ինֆարկտի հետ կապված բորբոքային վնասվածքները:
Բացի սրտի վրա ունեցած ազդեցությունից, ուսումնասիրության շրջանակներում գիտնականները նաեւ գնահատել են տարբեր բետա-բլոկատորների ազդեցությունը բորբոքային հիվանդությունների այլ մոդելների վրա, ինչպիսիք են թոքերի վնասվածքը եւ պերիտոնիտը: Հետազոտված բոլոր մոդելներում մետոպրոլոլը միակ բետա-բլոկատորն է եղել, որը կարողացել է սահմանափակել օրգանների վնասվածքները, որոնք առաջանում են նեյտրոֆիլների գերակտիվացման պատճառով։
Չնայած իրենց ազգակցական քիմիական կառուցվածքին, բետա-բլոկատորների դասի յուրաքանչյուր դեղամիջոց տարբեր կերպ է փոխազդում բետա-1 ադրենոռեցեպտորների հետ: Մետոպրոլոլի դեպքում տեղի է ունենում բետա-1 ադրենոռեցեպտորի կառուցվածքի ներբջջային յուրահատուկ փոփոխություն։ Ռեցեպտորը բացվում է այնպես, որպեսզի կարողանա փոխազդել մոտակա այլ սպիտակուցների հետ, որոնք միջնորդում են մետոպրոլոլի յուրահատուկ ազդեցությունը նեյտրոֆիլների ակտիվության վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր