Վաղ փուլում կորոնավիրուսային վարակը կարող է գրեթե անտեսանելի ախտանիշներով դրսեւորվել, ինչպիսիք են չորությունը քթի մեջ, ավշային հանգույցների բորբոքումը, կոկորդի ցավը եւ հազը: Նման կարծիք է «Լենտա»-յի հետ զրույցում հայտնել իմունոլոգ-ալերգոլոգ Վլադիմիր Բոլիբոկը:
«Սրանք ամենաննկատ ախտանիշներն են հիվանդության վաղ փուլերում: Դրանք հայտնվում են, քանի որ վիրուսն առաջին հերթին նստում է բերանի եւ քթի լորձաթաղանթների վրա»,- ասել է մասնագետը:
Նրա խոսքով` թոքաբորբով հիվանդների զանգվածային հոսպիտալացման ժամանակ այդ ախտանիշներն ակնհայտ չէին:
«Սակայն այժմ, երբ ՊՇՌ ախտորոշումն ընդլայնվել է եւ սկսել են ավելի շատ թեստեր անցկացնել, սկսել են ուշադրություն դարձնել, որ որոշ մարդիկ ասիմպտոմատիկ են թվում, սակայն իրականում, եթե ուշադիր նայեք, ախտանիշներ, այնուամենայնիվ, կան»,- ասել է Բոլիբոկը:
Ավելի վաղ մասնագետները հայտնել էին նաեւ, որ COVID-19-ը դրսեւորվում է ոչ միայն շնչառական համակարգի ախտանիշներով, այլ նաեւ` աղեստամոքսային տրակտի գործունեության խանգարումներով: Կարող են նաեւ մաշկի հետ կապված խնդիրներ, անքնություն եւ ՍՇՎՎ-ի ցանկացած այլ ախտանիշ լինել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր