Ապացուցված է, որ Ալցհեյմերի հիվանդության փորձարարական պատվաստանյութը արդյունավետ է ուղեղի հյուսվածքներից անոմալ տաու սպիտակուցը մաքրելու գործում: Սակայն դեռ հայտնի չէ՝ արդյո՞ք այս պատվաստանյութը կարող է պահպանել ուղեղի գործառույթները: Նոր դեղամիջոցի կլինիկական փորձարկումների երկրորդ փուլի արդյունքները ներկայացվել են Nature Aging ամսագրում հրապարակված հոդվածում:
Սլովակյան դեղագործական ընկերության՝ AXON Neuroscience-ի մասնագետները AADvac1 պեպտիդ պատվաստանյութը փորձարկել են թեթեւ աստիճանի դեմենցիա ունեցող 196 պացիենտների վրա: Փորձարկման ընթացքում (24 ամիս) մասնակիցների մի խմբին տրվել է 11 դեղաչափ (յուրաքանչյուրը 40 միկրոգրամ), իսկ մյուսին՝ պլացեբո:
Գիտնականները ձեռնամուխ են եղել երկարատեւ օգտագործման ընթացքում պատվաստանյութի անվտանգության ստուգմանը: Նրանք նաեւ գնահատել են AADvac1-ի իմունոգենությունն ու արդյունավետությունը տաու սպիտակուցների կուտակման արդյունքում առաջացած ճանաչողական խանգարումները նվազեցնելու գործում:
Տաու սպիտակուցը, բետա-ամիլոիդի հետ միասին, համարվում է Ալցհեյմերի հիվանդության պաթոլոգիական գործընթացի հիմնական գործոններից մեկը: Այս թունավոր սպիտակուցները կուտակվում եւ առաջացնում են նեյրոֆիբրիլյար խճճումներ, որոնք ենթադրաբար առաջացնում են նեյրոնային մահ եւ ուղեղի հյուսվածքների ոչնչացում:
Փորձարկումների արդյունքները ցույց չեն տվել պատվաստանյութից եւ պլացեբոյից կողմնակի բարդությունների զարգացման տարբերություն: Դեղը առաջացրել է IgG իմունոգլոբուլինի մակարդակի բարձրացում, սակայն էական ազդեցություն չի ունեցել հիվանդների ճանաչողական գործառույթների վրա: Դա կարող է պայմանավորված լինել այն փաստով, որ բոլոր հիվանդների շրջանում Ալցհեյմերի եւ տաու սպիտակուցի բարձր մակարդակ ունեցող ախտորոշված մարդկանց թիվը չափազանց քիչ էր: Նրանք, ովքեր ունեցել են այն, նկատվել է հիշողության, տրամաբանության եւ մտածողության ստանդարտ թեստերի բարելավում: Հիվանդների այս խմբում ուղեղի գործառույթների անկումը դանդաղել է 30 տոկոսով:
Փորձարկումների հաջորդ փուլը կներառի Ալցհեյմերով տառապող ավելի շատ հիվանդների, ովքեր ունեն ինչպես ամիլոիդային տախտակների կուտակում, այնպես էլ տաու խճճումներ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր