Տարբեր օրգանների ցավը կարող է դեպրեսիայի ֆիզիկական դրսեւորում լինել։ Նման կարծիք է հայտնել հոգեբան Արթուր Ալչակովը (Ռուսաստան)։
«Իզվեստիա»-ին տված հարցազրույցում մասնագետը նշել է, որ բնակչության մինչեւ 5 տոկոսը բախվում է դեպրեսիայի։ Դեպրեսիայով տառապող մարդու մոտ նվազում է նեյրոհաղորդիչների (օրինակ՝ սերոտոնինի) մակարդակը, որոնք կոչվում են նաեւ «ուրախության հորմոններ», քանի որ դրանք ապահովում են դրական հույզեր, հանգստություն եւ երջանկություն ապրելու հնարավորությունը։
Ալչակովի խոսքով՝ դեպրեսիայի զարգացման խթան կարող է լինել սթրեսը կամ ապրումները, սակայն երբեմն դեպրեսիան կարող է էնդոգեն բնույթ ունենալ։ Բացի այդ, բժիշկները հաճախ այս հիվանդության հանդեպ գենետիկ հակվածություն են նկատում:
Դեպրեսիան ազդում է աշխարհընկալման վրա՝ մարդը սկսում է ամեն ինչ միայն մռայլ լույսի ներքո տեսնել։ Այն, ինչ նախկինում ուրախություն էր պատճառում, այլեւս լուսավոր ապրումներ չի առաջացնում: Նաեւ կորչում է որեւէ բան անելու մոտիվացիան։
Մասնագետի խոսքով՝ կանայք ավելի հաճախ են տառապում դեպրեսիայից, քան տղամարդիկ, դրան նպաստում են նրանց հորմոնալ համակարգի առանձնահատկությունները։
Դեպրեսիան կարող է ունենալ նաեւ ֆիզիկական դրսեւորումներ, եւ առանձնահատուկ ուշադրության արժանի են հետեւյալները.
Մասնագետը զգուշացրել է, որ դեպրեսիվ վիճակում կարող են ակտիվորեն զարգանալ այլ հիվանդություններ, այդ թվում՝ սրտանոթային հիվանդություններ, շաքարային դիաբետ եւ արթրիտ։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր