Ցանկալի է, որ տարբեր սեռի երեխաներն առանձին սենյակներում քնեն, քանի որ դա հնարավորություն կտա խուսափել մի շարք խնդիրներից, կարծում է սեքսապաթոլոգ Սեւադա Հակոբյանը:
NEWS.am Medicine-ի թղթակցի հետ զրույցի ընթացքում նա նշել է, որ սկսած 3-4 տարեկանից երեխաների մոտ սեփական սեռական օրգանների նկատմամբ հետաքրքրություն է արթնանում, եւ հակառակ սեռի ներկայացուցչի հետ նույն սենյակում քնելը եւ միմյանց սեռական օրգանների նկատմամբ ուշադրությունը, մանավանդ եթե երեխաները նույն տարիքի չեն, կարող է նրանց մոտ հոգեսեռական զարգացման տեմպի խանգարումների առաջացման պատճառ դառնալ, այսինքն, նպաստել երեխաների վաղ հոգեսեռական հասունացմանը, ինչն այնքան էլ ցանկալի չէ։
Այդ իսկ պատճառով, բժշկի համոզմամբ, եթե մինչեւ 3-4 տարեկանը տարասեռ երեխաներին կարելի է քնեցնել նույն սենյակում, ապա այդ տարիքից հետո ցանկալի է նրանց առանձին սենյակներ տրամադրել: Հիշեցնենք, որ, սեքսապաթոլոգի խոսքով, այդ տարիքի երեխաների՝ ծնողների հետ նույն անկողնում քնելը նույնպես ցանկալի չէ:
Իսկ եթե երեխաներին տարբեր սենյակներում անկողին տրամադրելու հնարավորություն չկա, Սեւադա Հակոբյանը խորհուրդ է տալիս զգոն եւ ուշադիր լինել, որպեսզի սեռական օրգանների նկատմամբ երեխաների հետաքրքրությունը որոշակի ազատ գործողությունների չվերածվի, որոնց պատճառով երեխաները կարող են չափազանց վաղ սկսել, օրինակ, ձեռնաշարժությամբ զբաղվել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր