Սննդակարգի ազդեցությունը դաշտանադադարից հետո կրծքագեղձի քաղցկեղի առաջացման ռիսկի հարցում

Կանայք, որոնք դաշտանադադարից հետո առողջ, բուսական սնունդ են ընդունում նվազեցնում են կրծքագեղձի քաղցկեղի զարգացման ռիսկը, գրում է UPI լրատվականը`հղում անելով Փարիզ Սակլա համալսարանի կողմից արված նոր հետազոտությանը:

Երկու տասնամյակների ընթացքում ավելի քան 65000 կանանց հետեւելուց հետո գիտնականները պարզել են, որ կանանց մոտ, ովքեր առողջ, բուսական սնունդ են օգտագործում, միջինում 14 տոկոսով ցածր է կրծքագեղձի ցանկացած տեսակի քաղցկեղի զարգացման ռիսկը:

Այնուամենայնիվ, կրծքագեղձի քաղցկեղի առաջացման վտանգը նվազել է միայն այն կանանց մոտ, ում սննդակարգում զգալի քանակությամբ կա ձավարեղեն, մրգեր, բանջարեղեն, ընկույզներ, հատիկաընդեղեն, բուսական յուղեր, թեյ կամ սուրճ՝ նույնիսկ եթե դրանում երբեմն ընդգրկված են կարմիր միս եւ թռչնամիս:

Միջին տարիքի այն կանայք, որոնց սննդակարգում գերակշռում է շաքարի բարձր պարունակությամբ մրգահյութեր ունեցող բուսական սնունդը, մաքրված հացահատիկը, կարտոֆիլը եւ քաղցր ըմպելիքները կամ աղանդերը, կրծքագեղձի քաղցկեղով հիվանդանալու 20 տոկոսով ավելի հավանականություն ունեն:

Գիտնականները, հիմնվելով ուսումնասիրությունների վրա, կարծում են, որ կանանց մոտ կրծքագեղձի քաղցկեղի առաջացման ռիսկը նվազում է ի շնորհիվ բուսական, առողջ սնունդում առկա բջջանյութի`հակաբորբոքային եւ հակաօքսիդանտ ազդեցությունների շնորհիվ:

Հետևեք NEWS.am Medicine-ին Facebook-ում և Twitter-ում