Ո՞րն է լավագույն բնական միջոցն ալկոհոլի նկատմամբ հակման դեմ

Սննդաբան Գալինա Կալինինան SOLENKA.INFO-ին տված հարցազրույցում հայտնել է ալկոհոլի նկատմամբ հակման դեմ լավագույն բնական միջոցի մասին։ Մասնագետը նշել է, որ ալկոհոլային խմիչքների օգտագործումը ոչ մի օգուտ չի բերում մեր օրգանիզմին, իսկ, ահա, վնասել կարող է:

Ալկոհոլն ամենաշատը վնասում է մարդու լյարդին։ Բանն այն է, որ ալկոհոլի քայքայման համար պատասխանատու են լյարդի երկու ֆերմենտներ, որոնցից մեկն էթանոլը թունավոր նյութի է վերածում՝ ացետալդեհիդի, որը կարող է վնասել մեր օրգանիզմի բջիջները եւ անհավանական տհաճ զգացողություն առաջացնել: Երկրորդ ֆերմենտն ացետալդեհիդը քացախաթթվի է օքսիդացնում: Բացի այդ, ալկոհոլը սպառում է վիտամին B1-ը, մեծացնում է լյարդի քաղցկեղի եւ ցիռոզի վտանգը, ավելացնում է ճարպի պարունակությունը լյարդում, զգալիորեն մեծացնում է բորբոքման հավանականությունը եւ բարձրացնում էստրոգենի մակարդակը:

Մասնագետի խոսքով՝ ալկոհոլի հանդեպ հակումը նվազեցնել կօգնի մի պարզ բնական միջոց՝ կուդզուն կամ պուերարիան։ Այս բույսը պատկանում է լոբազգիների ընտանիքին եւ մեծ քանակությամբ ազոտ եւ սպիտակուց է պարունակում։ Այն նաեւ ֆիտոնուտրիենտներ է պարունակում, որոնք մասնակցում են էթանոլի տարրալուծմանը: Դրա շնորհիվ նվազում է ալկոհոլի հանդեպ հակումը եւ՝ առանց որեւէ կողմնակի ազդեցությունների։

Սննդաբանը խորհուրդ է տալիս աղցանին կուձուն ավելացնել կամ ընդունել այն մզվածքի տեսքով։ Այս միջոցը նվազեցնում է ալկոհոլ օգտագործելու ցանկությունը եւ նվազեցնում դրանից թունավորումը։ Ուստի խորհուրդ է տրվում միջոցառման գնալուց առաջ կուձու ընդունել։


 

Հետևեք NEWS.am Medicine-ին Facebook-ում և Twitter-ում