Անգլիական Քեմբրիջ քաղաքից 64-ամյա Դեյվիդ Լինդսեյը իր մատը կրծած շան ձագի շնորհիվ իմացել է, որ ոտքի արյան շրջանառությունը խանգարված է, հայտնում է Daily Mail-ը։
Տղամարդը, որը դիաբետ ունի, պատմել է, որ բազմոցին քնած է եղել, երբ յոթ ամսական բուլդոգ Հարլին սկսել է կրծել իր մատը։ Սակայն Լինդսեյն արթնացել է ոչ թե ցավից, այլ կնոջ ճիչից։ Տղամարդը բացել է աչքերը, նայել ոտքին եւ տեսել արյունոտ բութ մատը։
«Շունը համարյա կրծել էր ոտքիս բութ մատը։ Նա կրծել էր մինչեւ ոսկոր եւ ջարդել այն»,- ասել է նա։ Լինդսեյը հասկացել է, որ կրծելուց չի արթնացել, քանի որ իր ոտքն ամբողջությամբ թմրել է։
Հիվանդանոցում Լինդսեյին հակաբիոտիկներ են ներարկել՝ վարակը դադարեցնելու համար։ Ռենտգենի նկարը ցույց է տվել տղամարդու ոտքի երկու զարկերակների խցանումը, ինչը հանգեցրել է զգայունության կորստի: Եթե բժիշկները ժամանակին չվերականգնեին վերջույթի արյան շրջանառությունը, ապա այն պետք է անդամահատվեր։
Այժմ Լինդսեյը հետազոտություն է անցնում վերջույթի զարկերակների ստենտավորման համար, որն ամբողջությամբ կվերականգնի արյան մատակարարումը։ Շուտով նա տուն կվերադառնա կնոջ եւ շան մոտ։ Չնայած շունը տիրոջը լուրջ վնաս է հասցրել, նա շնորհակալ է նրան կյանքը փրկելու համար։
«Ես հուսով եմ մատս կպահպանվի։ Եթե չստացվի, ես բժշկին խնդրել եմ կտրել այն, որպեսզի տանեմ տուն Հարլիի համար» — ասել է նա։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր