Թայվանի Թայնան քաղաքի Անյնան հիվանդանոցի բժիշկները կարողացել են հիվանդին մոտ մեկ տարի տեւած կոմայից դուրս բերել տրանսկրանիալ մագնիսական խթանման միջոցով, հայտնում է Taiwan News թերթը:
Թերթի տվյալներով՝ 29-ամյա տղամարդը ավտովթարից հետո կոմայի մեջ է եղել։ Մի քանի ամսվա ընթացքում հարազատները փորձել են թերապիայի մի քանի մեթոդներ, ներառյալ հիպերբարիկ թթվածնացումը եւ չինական ավանդական բժշկությունը:
Դրանից հետո հարազատները խորհրդակցել են հիվանդանոցի բժիշկների հետ եւ որոշել են փորձել տրանսկրանիալ մագնիսական խթանումը.Այս մեթոդը թույլ է տալիս առանց վիրահատական միջամտության կարճ մագնիսական ազդակների օգնությամբ խթանել գլխուղեղի կեղեւը:
Մեթոդը մշակվել է 1985 թվականին եւ օգտագործվում է դեպրեսիայի եւ նյարդաբանական հիվանդությունների բուժման համար, ինչպիսիք են էպիլեպսիան կամ Պարկինսոնի հիվանդությունը, սակայն բժիշկները պատրաստակամություն են հայտնել փորձել այս թերապիան տղամարդուն կոմայից դուրս բերելու համար՝ բուժման այլ մեթոդների հետ համատեղ: Հինգ ամիս տեւած պրոցեդուրաներից հետո պացիենտն աստիճանաբար սկսել է ուշքի գալ. նա սկսել է բացել աչքերը, արձագանքել հարազատների ձայներին եւ ժպտալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր