• Latest news▼

Obesity. Նախաճաշից առաջ մարզվելը նպաստում է  ավելի արագ նիհարելուն

18 ապրիլի, 2024  14:19

Առավոտյան ժամը յոթից ինն ընկած ժամանակահատվածում դատարկ ստամոքսով ֆիզիկական ակտիվությունը արագ և արդյունավետ քաշի կորուստ է ապահովում։ Այս եզրակացությանն են հանգել ԱՄՆ-ի Ֆրանկլին Փիրսի համալսարանի գիտնականները։ Հետազոտության արդյունքները հրապարակվել են The Obesity Society's Journal-ում:

Հետազոտության ընթացքում գիտնականները տեղեկություններ են հավաքել 5 հազար մարդկանց մարզումային գործունեության մասին, որոնք ցանկանում էին ազատվել ավելորդ քաշից։ Որպեսզի հետևեն, թե երբ են մասնակիցները մարզվում, հետազոտողները հրահանգել են նրանց դիտարկման ընթացքում դաստակներին հատուկ ֆիթնես ապարանջաններ կրել: Փորձի վերջում գիտնականները արձանագրել են, թե որքան ավելորդ քաշ են կորցրել փորձարկվողները։

Պարզվել է, որ դատարկ ստամոքսով առավոտյան մարզումները (7:00-ից 9:00-ն ընկած ժամանակահատվածում) նպաստել են քաշի ավելի արդյունավետ կորստի: Գիտնականները բացատրել են, որ գիշերային ծոմից հետո գլյուկոզայի մակարդակը, որը մկաններն առաջին հերթին որպես վառելիք են օգտագործում, ցածր է լինում: Սա նշանակում է, որ վարժություններ կատարելու համար էներգիան օրգանիզմը ստանում է առավելապես եղած ճարպային պաշարներից:

Գիտնականները ճշտել են, որ նիհարելու համար առավոտյան մարզումները պարտադիր չէ, որ երկարատև լինեն։ Ճարպերն այրելու համար բավարար կլինեն 40 րոպեանոց աերոբիկ վարժությունները, ինչպիսիք են վազքը կամ հեծանվավազքը:



Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել