Հակաբիոտիկների «ոսկե դարը» մոտենում է ավարտին

Հակաբիոտիկների «ոսկե դարը» շատ շուտով կավարտվի, պնդում են բրիտանացի գիտնականները։

Ըստ կանխատեսումների, հակաբիոտիկները իրենց կսպառեն տաս տարի անց, եւ կենսաբանները ստիպված կլինեն նոր միջոցներ փնտրել հիվանդածին բակտերիաների դեմ։ Չէ որ միկրոօրգանիզմները տարեց տարի ձեւափոխվում են, եւ դառնում ավելի կայուն հակաբիոտիկների հանդեպ, գրում է The Daily Mail-ը։

Այդ դեղերի արդյունավետության նվազումը կապված է նաեւ այն բանի հետ, որ այսօր շատ բժիշկներ հիվանդներին հակաբիոտիկներ են նշանակում առանց հույժ անհրաժեշտության։ Այսպիսով բակտերիաները հակաբիոտիկներին ադապտացվելու լրացուցիչ հնարավորություն են ստանում։ Գիտնականներն այսօր այլեւս չեն ժխտում այն փաստը, որ բակտերիաների կայունությունը հակաբիոտիկների նկատմամբ հետզհետե աճում է։

Ըստ բրիատանացի պրոֆեսոր Ջերեմի Ֆարերի, եթե անգամ սովորական, վիրուսային մրսածությունը բուժվում է հակաբիոտիկով, ապա զարմանալի չէ, որ ամենաաննշան բակտերիալ վարակները ժամանակի ընթացքում կարող են մահացու վտանգավոր դառնալ։

Հետևեք NEWS.am Medicine-ին Facebook-ում և Twitter-ում