Պանիրը մարդուն հայտնի ամենահին խոհարարական մթերքներից է. նրա պատմությունն ավելի քան 7 000 տարեկան է: Մեր օրերում պանրի տեսականին մտնում է խնջույքների ընթացքում ամենաընդունված նախուտեստների մեջ: Այն կարող է նրբահամ նախուտեստ լինել` կոնյակի եւ գինու ուղեկցությամբ ու նաեւ` «քաղցը մեղմելու» հրաշալի միջոց: Սակայն մեզնից շատերը չգիտեն, թե այդ մթերքը որքան օգտակար է մեր օրգանիզմի համար: NEWS.am Medicine-ի խմբագրությունը ձեր ուշադրությանն է ներկայացնում պանրի մասին հինգ փաստ, որոնց ծանոթանալուց հետո պանիրն անկասկած ձեր սննդակարգի անբաժան մասը կդառնա:
Փաստ 1
Պանիրը կալցիումի հրաշալի աղբյուր է, իսկ դա ամուր ոսկրերի եւ ատամների հոմանիշ է: Այդ պատճառով շատ մասնագետներ խորհուրդ են տալիս երեխաներին վաղ մանկությունից սովորեցնել պանիր ուտել. կալցիումն ուղղակի անհրաժեշտ է ոսկրերի ձեւավորման համար: Բացի այդ, կալցիումը դրականորեն է ազդում արյան ճնշման վրա, այդ պատճառով պանիրը հավասարապես օգտակար է ինչպես մեծահասակներին, այնպես էլ երեխաներին:
Փաստ 2
Պանիրն օրգանիզմի համար անհրաժեշտ վիտամինների մի ամբողջ համալիր է պարունակում: Դա А վիտամինն է (պանրի մեկ չափաբաժինը պարունակում է օգտագործման օրական նորմայի 15 տոկոսը), В2 վիտամինը (օրական նորմայի 10 տոկոսը), B6 վիտամինը (օրական նորմայի 20 տոկոսը) եւ B12 վիտամինը (օրական նորմայի գրեթե 40 տոկոսը): Եվ զարմանալին այն է, որ նրա կալորիաների քանակը կազմում է մարդու օրական նորմայի ընդամենը 10 տոկոսը:
Փաստ 3
Ամեն օր պանիր օգտագործող մարդու օրգանիզմում բարձրանում է ճարպային թթվի պարունակության մակարդակը: Այդ կարեւոր ցածրմոլեկուլային թթուն բարելավում է նյութափոխանակությունը:
Փաստ 4
Պանիրը նյութափոխանակությունը բարելավում է դրանում առկա պրոբիոտիկների հաշվին: Դրանք աղիքների միկրոֆլորան հագեցնում են օգտակար մանրէներով եւ ամրապնդում են իմունիտետը:
Փաստ 5
Պանիրը սպիտակուցների եւ ճարպերի մեծ քանակություն է պարունակում, ինչն իր հերթին օգնում է կարգավորել արյան մեջ շաքարի մակարդակը: Պանրի նույնիսկ ամենափոքր քանակությունն ի վիճակի է ամբողջ օրվա համար ուժ ապահովել: Իզուր չէ, որ հեռավոր արշավների պատրաստվելիս ամենափորձառու ճանապարհորդներն իրենց հետ պանրով բրդուճներ են վերցնում:
Իսկ եթե պանիր արտադրողներին չեք վստահում, կարող եք տնային պայմաններում ձեր ձեռքով պանիր պատրաստել: Դրա համար հատուկ հմտություններ եւ թանկարժեք տեխնիկա անհրաժեշտ չէ, ընդամենը կաթ եւ համացանց:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր