«Իմ կարծիքով ամերիկյան դերասանուհի Անջելինա  Ջոլիի կողմից կրծքագեղձերի կանխարգելիչ հեռացումը ուղղակի PR-ակցիա է եղել: Հնարավոր է՝ բարի նպատակներից դրդված»,- կարծում է Հայ-Ամերիկյան առողջության կետնրոնի ղեկավար Խաչանուշ Հակոբյանը:

«Իրականում ,ինչպես  հաղորդել էին որոշ հեռուստաաղբյուրներ, դերասանուհու մոտ արդեն առկա էր չարորակ ուռուցք,  բայց վաղ փուլում»,- պատմել է նա NEWS. am Medicine-ին:

«Անջելինա  Ջոլիի դեպքն այն դեպքն է, երբ մաստէկտոմիան գենետիկորեն հիմնավորված էր: Իրականացվել են անալիզներ, որոնք բացահայտել են դերասանուհու օրգանիզմում առկա գենետիկ մուտացիաները: Հենց այդ պատճառով  էլ հեռացրել են նրա կրծքի մկանային հյուսվածքը եւ  փոխարինել դրանք սիլիկոնե իմպլանտներով»,-  ասում է ՀԱԱԿ  ճառագայթաբանության բաժանմունքի  վարիչ Անի Հակոբյանը:

 Իսկ ին՞չ են ընդհանրապես մտածում հայ մասնագետները  կանխարգելիչ  մաստէկտոմիայի վերաբերյալ:

«Իմ հիվանդներից մեկի կրծքում  գտնվել էր մոտ 30 բարորակ ուռուցք:  Գրեթե ամբողջ կուրծքը լցված էր նորագոյացություններով: Դա քաղցկեղ չէր, բայց  նա ոչ միայն խնդրում էր, այլ նաեւ պահանջում  էր հեռացնել կրծքի մկանային զանգվածը եւ փոխարինել  դրանք սիլիկոններով: Ես դեմ չէի: Եթե վիրահատական միջամտությունը հիմնավորված է, եւ իրականցվում է գրագետ կերպով, ապա ինչու ոչ»,- ասում է Անի Հակոբյանը: «Մինչդեռ ուղղակի վախից կուրծքը սիլիկոններով փոխարինելը, այսպես կոչված կանխարգելիչ նկատառումներով՝  խելամիտ չէ»,- պնդում է նա:

Ավելացնենք, որ Հայաստանում արդեն իրականցվում է արյան գենետիկ անալիզ, մասնավորապես Գենետիկայի Ինստիտուտում: Վերջինս կարող է հերքել կամ հաստատել կրծքագեղձի հանդեպ գենետիկ նախատրամադրվածությունը:

Մինչդեռ կրծքագեղձի քաղցկեը միշտ չէ, որ պայմանավորված է գենետիկ գործոններով: Այդ պատճառով կանայք եւ աղջիկները պետք է տարին մեկ անգամ  հետազոտվեն ՝ ժամանակին կրծքագեղձի  փոփոխությունները հայտնաբերելու, դրանք հեռացնելու եւ հետագայում հանգիստ ապրելու համար...

Հիշեցնենք, որ Անջելինա Ջոլին ոչ այդքան վաղ է կատարել կրծքագեղձի հեռացման վիրահատությունը՝ կրծքի քաղցկեղից խուսափելու համար: Այդ մասին նա գրել է The New York Times-ի  «Իմ ընտրությունը» (My Medical Choice) հոդվածում:

Դերասանուհու խոսքով,  բժիշկները նրա մոտ  ախտորոշել են կրծքագեղձի քաղցկեղի 87% եւ  ձվարանների քաղցկեղի  50% հավանականություն: Ջոլին բուժումը սկսել է կրծքագեղձերից՝ կատարելով երկկողմանի  կանխարգելիչ մաստէկտոմիա: Բուժման արդյունքում բժշկի խոսքով, Ջոլիի  կրծքագեղձի քաղցկեղի հավանականությունը 87%-ից նվազել է 5%-ի:

Վիրահատությունը ընդհանուր առմամբ տեւել է մոտ երեք ամիս եւ ավարտվել ապրիլի 27-ին: Հեռացված կրծքագեղձերի փոխարեն Ջոլիին իմպլատներ են տեղադրել:  Նրա խոսքով ,վիրահատության արտաքին հետեւանքները գրեթե աննակտ են:

Ըստ դերասանուհու, վիրահատության հիմնական պատճառը դարձավ այն, որ իր մայրը մահացել է քաղցկեղից 56-ամյա տարիքում: Ջոլին գրել է, որ ցանկանում է հնարավորինս երկար հոգ տանել իր երեխաների եւ թոռների մասին ու չլքել նրանց ժամանակից շուտ: Ներկա պահին Ջոլին եւ Բրեդ Փիթն ունեն երեք սեփական եւ երեք որդեգրած երեխա:

World Health Organization վիճակագրության համաձայն , տարեկան կրծքագեղձի քաղցկեղից մահանում  է մոտ 500 հազար մարդ: Մոտավորապես 85%  դեպքերում կրծքագեղձի քաղցկեղը հանդիպում է այն մադրկանց մոտ, ում հարազատներից մեկը, օրինակ՝ ծնողը, տուժել է այդ հիվանդությունից:

Յանա Ավչիյան