Շիմպանզեի հարձակումից տուժած կնոջ փոխպատվաստված դեմքը պոկվել է (ֆոտո)

62-ամյա ամերիկուհի Կառլա Նեշը, որը հինգ տարի առաջ դեմքի փոխպատվաստման վիրահատություն է տարել, դարձյալ հայտնվել է հիվանդանոցում:  Նրա օրգանիզմը սկսել է մերժել փոխպատվաստված հյուսվածքները: Սակայն մասնագետներն ասում են, թե չարժե շատ անհանգստանալ, հիվանդի մոտ առայժմ   «պոկման չափավոր պատկեր» է դիտարկվում:

Վերջերս Նեշի դեմքին մի քանի անսովոր բիծ էին նկատել: Բժիշկները բիոպսիա են արել եւ հասկացել են, որ պոկում է սկսվել: 

Կառլան աշխարհում առաջին հիվանդներից մեկն էր, որը դեմքի փոխպատվաստում էր տարել: 2015-ի մարտին  նա մասնակցել է մի փորձարկմանը, որում բժիշկները փորձել են նրան ազատել մինչեւ կյանքի վերջ օրգանների պոկման դեմ դեղեր ընդունելու անհրաժեշտությունից:  Հարցն այն է, որ այդ դեղամիջոցները կարող են լուրջ երկրորդական հետեւանքներ ունենալ եւ զինվորականները ֆինանսավորել էին այդ  հետազոտությունները` հուսալով օգնել զինվորներին, որոնք թեժ կետերից վերադառնալուց հետո փոխպատվաստում էին տարել:   

Բժիշկներն իրենց հիվանդին հանել են փորձարկումից եւ դարձյալ դեղեր են նշանակել:   «Ամենայն հավանականությամբ նա արդեն մեկ կամ երկու օրից կկարողանա դուրս գրվել հիվանդանոցից: Մենք կարծում ենք, որ պոկման այս էպիզոդը արագ կկարգավորվի. հյուսվածքները պիտի վերականգնվեն մեկ շաբաթում», - ասել է Brigham and Women’s Hospital –ի պլաստիկ վիրաբուժության բաժանմունքի տնօրեն Բոգդան Պոմագակը, որտեղ տեղի է ունեցել փոխպատվաստումը: 

Կառլա Նեշը 2009-ին զրկվել է քթից, շուրթերից, կոպերից եւ ձեռքերից, երբ ընկերուհու տանը նրա վրա է հարձակվել   100 կիլոգրամանոց տնական շիմպանզեն:  Վիրաբույժները ստիպված են եղել հեռացնել նաեւ նրա աչքերը, որովհետեւ դրանց մեջ վարակ էր անցել: Հետագայում կնոջը  փոխպատվաստեցին մեռած դոնորի դեմք, աչքերի ապակյա պրոթեզներ դրեցին եւ ատամների իմպլանտներ տեղադրեցին: Նրան նաեւ ձեռքի փոխպատվաստում արեցին, բայց վիրահատությունը անհաջող էր. հյուսվածքները չկպան: 

Իմունոճնշիչ դեղերը, որոնք հիվանդներին նշանակվում են փոխպատվաստումներից հետո, անհրաժեշտ է խմել մնացած ամբողջ կյանքում: Սակայն դա հղի է լուրջ ռիսկերով. դեղերը կարող են թուլացնել օրգանիզմի պաշտպանությունը վիրուսային վարակներից, վնասել երիկամներին:  Այդ վտանգի պատճառով մարդիկ հաճախ հրաժարվում են մարմնի ոչ կենսունակ մասերից  (օրինակ` շատերը կարծում են, որ չարժե մատներ փոխպատվաստել): Բայց բժիշկներն ասում են, որ ամեն ինչ կարող է փոխվել, եթե դեղերը դադարեն ամբողջ կյանքի պարտականություն լինել:

Հետևեք NEWS.am Medicine-ին Facebook-ում և Twitter-ում