5 մթերք, որոնք կօգնեն այրել ավելորդ ճարպը

11 հունիսի, 2016 20:45

Հայտնի է, որ արդյունավետորեն նիհարելու համար անհրաժեշտ է ավելի շատ կալորիաներ օգտագործել, քան այն, ինչ օգտագործում եք օրվա ընթացքում: Այդ հարցում կարող են օգնել ոչ միայն մարզումները, այլեւ որոշ մթերքներ, որոնք օրգանիզմին օգնում են ավելի շատ կալորիաներ այրել եւ ազատվել ավելորդ ճարպից:

Նեխուր

Նեխուրը շատ քիչ կալորիաներ է պարունակում, իսկ օրգանիզմը դրանք մարսելու համար պետք է ոչ քիչ ուժեր ծախսի: Նեխուրը նաեւ բջջանյութ եւ ջուր է պարունակում, որը նրան թույլ է տալիս ավելի երկար պահպանել հագեցածության զգացումը: Այդ պատճառով շատ մասնագետներ նեխուրը հրաշալի մթերք են համարում նրանց համար, ովքեր ցանկանում են նիհարել:

Ձուկ

Թյուննոսը, իշխանը եւ թյունիկը հագեցած են Օմեգա-3 ճարպային թթուներով, որոնք արագացնում են նյութափոխանակությունը: Այդ թթուները նաեւ ազդում են լեպտինի վրա` հորմոնի, որը վերահսկում է կալորիաների այրման արագությունը: Այդ պատճառով նիհարողներին խորհուրդ է տրվում այն ավելացնել իրենց սննդին:

Պղպեղ

Պղպեղը ոչ միայն օրգանիզմին օգնում է մթերքներից վերցնել բոլոր օգտակար նյութերը, այլեւ ֆիտոնուտրիենտ է պարունակում, որն օգնում է արագացնել ճարպային բջիջների ճեղքումը: Բացի այդ, ինքը` պղպեղը մեծ քանակությամբ օրգանիզմի համար օգտակար վիտամիններ է պարունակում:

Ավոկադո

Ավոկադոն մոնոչհագեցած ճարպեր է պարունակում, որոնք արագացնում են նյութափոխանակությունը եւ նպաստում են կալորիաներ այրելուն: Խորհուրդ է տրվում ավոկադոն քիչ քանակությամբ ավելացնել աղցաններին եւ սմուզիներին:

Չիա սերմեր

Բջջանյութով, սպիտակուցներով եւ Օմեգա-3 ճարպային թթուներով հագեցած չիա սերմերն արագացնում են նյութափոխանակությունը, նպաստում են գլյուկագոնի արտադրությանը` հորմոնի, որը մեծ դեր է խաղում ճարպի այրման գործընթացում: Չիայի սերմեր կարելի է հավելել յոգուրտին, աղցանին կամ վարսակի շիլային:

Հետևեք NEWS.am Medicine-ին Facebook-ում և Twitter-ում