Միեւնույն գեները պատասխանատու են դեպրեսիայի եւ երջանկության զգացման համար. հետազոտություն

Միեւնույն գեները կարող են պատասխանատու լինել դեպրեսիայի զարգացման եւ հոգեկան դրական վիճակի հակվածության համար, ապացուցել են Օքսֆորդի եւ Օսթինում Թեքսասի համալսարանների մտավոր հոգեբանության եւ գենետիկայի մասնագետները:

Օքսֆորդի համալսարանից պրոֆեսոր Էլեյն Ֆոքսը եւ Օսթինում Թեքսասի համալսարանից Քրիս Բիվերսը հետազոտել են մի շարք ուսումնասիրություններ, որոնք վերաբերել են գենետիկայի եւ էմոցիոնալ վիճակի փոխադարձ կապին: Նրանք եկել են այն եզրահանգման, որ գեներում ոչ մեծ փոփոխությունների համադրությունը մարդկանց ավելի զգայուն է դարձնում շրջակա միջավայրի նկատմամբ, որն արտացոլվում է նրանց էմոցիոնալ բարենպաստ վիճակի վրա:

Նախորդ աշխատանքներում հայտնաբերվել են գենետիկ նիշեր, որպես կանոն, ԴՆԹ-ի մեկ տառի տարբերություն, որը որոշում է հոգեբանական վիճակի զարգացման որոշակի վտանգը: Սակայն այդ հետազոտությունների անբավարար լինելը կայանում է նրանում, որ դրանցում հետազոտվում է գեների եւ հոգեկան առողջության ոչ մեծ հավաքածու, հայտարարում են աշխատանքի հեղինակները:

Գիտնականների բացատրությամբ՝ գենետիկ վտանգի գործոնների ճյուղերից մեծ մասի կառուցվածքը կօգնի հասկանալ, թե շրջակա միջավայրն ինչպես կներգործի մարդու վրա՝ նրա գենետիկ վտանգի բազային մակարդակից կախված: «Եթե վերցնենք հոգեխանգարմունքի հետ կապված գենը, եւ համեմատենք գենի միեւնույն տարբերակն ունեցող տարբեր մարդկանց, կպարզենք՝ ինչպես է շրջակա միջավայրը ներգործում հոգեբանական առողջության վրա»,- հայտարարել են հետազոտողները:

Գիտնականները նաեւ ընդգծում են, որ որոշ գեներ շրջակա միջավայրի ազդեցության հանդեպ մարդկանց ավելի ընկալունակ են դարձնում: «Եթե մարդիկ ունեն մտավոր աղավաղումներ, որոնք ուշադրությունը սեւեռում են բացասական ուղղությամբ կամ մտքերի վրա, նրանք հոգեկան հիվանդությունների վտանգին ավելի ենթակա են»,- նշել են հետազոտողները: Դա նշանակում է, որ այդ գեների կրողները, պայմաններից կախված, ավելի հակված կլինեն բացասական մտավոր շեղումների կամ էլ մտավոր դրական աղավաղումների զարգացմանը:

Գիտնականներն ընդգծում են, որ այս հետազոտությունը կդրվի հոգեկան խանգարումների բուժման անհատական մոտեցումների հիմքում: Հետազոտությունը հրապարակվել է Molecular Psychiatry ամսագրում:

Հետևեք NEWS.am Medicine-ին Facebook-ում և Twitter-ում