Նոր ամերիկյան հետազոտությունը ցույց է տվել, որ օճառը եւ կենցաղային քիմիայի այլ միջոցներ կարող են վարակի աղբյուր հանդիսանալ: Նրանց մեջ գտնվող հակաբակտերիալ քիմիական նյութերը կարող են նպաստել բակտերիալ վարակների բազմացմանը մարդու քթում:
Տրիկլոզան քիմիական նյութը, որն օգտագործվում է հակաբակտերալ միջոցների, մասնավորապես, օճառի եւ ատամի մածուկի, խոհանոցային մակերեսների, հագուստի եւ բժշկական սարքավորումների արտադրության մեջ, հայտնաբերվել է Միչիգանի համալսարանի աշխատակիցների կողմից կատարած հետազոտության մասնակիցների 41%-ի քթանցքերում, հաղորդում է Newmax Health-ը:
mBio ամսագրում հրապարակված հոդվածում ասվում է, որ տրիկլոզանն՝ ընկնելով մարդու քթի մեջ, նպաստում է ոսկեգույն ստաֆիլակոկի բակտերիաների գաղութացմանը եւ կարող է որոշ մարդկանց մոտ վարակի հանդեպ նախատրամադրվածություն առաջացնել: Հետազոտությունը ցույց է տվել, որ մասնակիցներից ոմանք վարակված են եղել:
Առաջատար հետազոտող Բլեյզ Բոուլսը հայտնել է, որ արդեն գրեթե 40 տարի է ինչ տրիկլոզանն օգտագործվում է բազմաթիվ հակաբակտերիալ միջոցներում: Նախորդող հետազոտությունները ցույց էին տվել տրիկլոզանի հետքեր մարդկային արյան, մեզի եւ մայրական կաթի մեջ: Կենդանիների վրա կատարված հետազոտությունները ցույց են տվել, որ տրիկլոզանի մեծ քանակը կարող է ազդել էնդոկրին համակարգի եւ սրտամկանի աշխատանքի վրա:
Իրենց հետազոտություններից ելնելով փորձագետներն առաջարկում են շտապ հետազոտություններ կատարել լայն սպառման ապրանքներում տրիկլոզանն օգտագործելու անվտանգության վերաբերյալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր