Գիտնականները բացահայտել են մեծահասակների ցողունային բջիջները վերահսկող սպիտակուցներ, որոնք մազային ֆոլիկուլի աճի բանալին են: Կիրառելով Wnt սպիտակուցները կարելի է խթանել «քնած» մազային ֆոլիկուլները , ինչպես նաեւ կանխարգելել անպետք մազերի աճը, հայտնաբերել են Փենսիլվանիայի համալսարանի Պերելմանի բժշկական դպրոցի մասնագետները։ Հետազոտության արդյունքները հրապարակվել են Cell Stem Cell ամսագրում, տեղեկացնում է Newsmax Health-ը։
«Դեռ շատ հետազոտություններ են անհրաժեշտ մեր ենթադրությունները հաստատելու համար, բայց, այդուհանդերձ, մենք հույս ունենք, որ այս թերապեւտիկ մեթոդը (Wnt ազդակի) կարող է կիրառվել ոչ ցանկալի մազերի աճը պաշարելու կամ ուռուցքի որոշ տեսակների բուժման համար», - ասաց Սարա Միլլարը, ով օգնել է իրականցնել հետազոտությունը։
«Եվ հակառակը, անվտանգ եւ վերահսկվող եղանակով եւ սահմանափակ քանակությամբ Wnt ազդակները կարելի է օգտագործել մազային ֆոլիկուլների խթանման համար , ինչպես օրինակ ճաղատության ժամանակ», - ասաց նա։
Միլլարի թիմը դիտարկեց Wnt սպիտակուցների ֆունկցիան՝ ոչ մեծ մոլեկուլյար գոյացությունների, որոնք փոխանցում են տեղեկատվությունը մի բջջից մյուսին: Կենդանիների վրա իրականցված հետազոտությունների ընթացքում կիրառելով Wnt ազդակները, գիտնականներիը կարողացան կանխարգելել կամ խթանել մազերի աճը։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր